2026-08-25
311 جار خوێنراوەتەوە
بانكه بازرگانییه‌كانى سلێمانى و هه‌ڵه‌بجه و ئیداره‌كانى ڕاپه‌رین و هه‌ڵه‌بجه كه‌م ده‌كرێنه‌وه
له چوارچێوه‌ی پلانێكى وه‌زاره‌تی دارایی و ئابووری هه‌رێمی كوردستان بۆ ڕێكخستنه‌وه، كه‌مكردنه‌وه و به ئه‌ندامكراوكردنی كاره‌كان، پرۆسه‌ی یه‌كخستن و كه‌مكردنه‌وه‌ی ژماره‌ی بانكه بازرگانییه‌كان له سلێمانی و هه‌ڵه‌بجه و ئیداره‌كانى راپه‌ڕین و گه‌رمیان ده‌ستیپێكردووه.
بڕیاره‌كه له 2025 ده‌رچووه و تایبه‌ته به یه‌كگرتنه‌وه‌ى بانكه بازرگانییه‌كان و 200 ملیۆن دینارى بۆ پرۆسه‌كه له سنوورى سلێمانى، هه‌ڵه‌بجه، ئیداره‌ى سه‌ربه‌خۆى ڕاپه‌رین و گه‌رمیان دابینكراوه.
هه‌ر له بڕیاره‌كه‌دا به‌ڕێوه‌به‌رایه‌تى ته‌كنه‌لۆجیاى بانكى ده‌بێته به‌ش و ده‌گوازرێته‌وه بۆ به‌ڕێوه‌به‌رایه‌تى گشتیی بانكى هه‌رێم _سلێمانى.
بۆ نمونه بانكه‌كانى، باخان، بابان، زانكۆ، دوكان و چوارتا، له‌ژێر ناوى بانكى بابان له بیناى بانكى سلێمانى یه‌كده‌گرنه‌وه.
هه‌ریه‌ك له بانكه‌كانى (ئه‌زمه‌ڕ، ئاڵاى هه‌رێم،تووى مه‌لیك، گۆیژه و به‌ختیاری) له بیناى بانكى ئه‌زمه‌ڕ ده‌بن و ده‌بن به بانكى ئه‌زمه‌ڕ.
به‌ڵام بانكى مه‌ڵكه‌ندى و نووسینگه‌كانى ده‌مێننه‌وه بۆ دابه‌شكردنى مووچه‌ى خانه‌نشینان تا ئه‌وكاته‌ى پرۆسه‌ى هه‌ژمارى من كۆتایى دێت.
هه‌ر له چوارچێوه‌ى بڕیاره‌كاندا، بانكى قه‌ڵادزێ وه‌ك خۆى ده‌مێنێته‌وه، نووسینگه‌یه‌كیشى له مه‌رزى كێلێ ده‌بێت بۆ وه‌رگرتنى داهات، هه‌ریه‌ك له بانكى گه‌رمیان و شێروانه‌ش ده‌بنه یه‌ك بانك و له‌ژێر ناوى گه‌رمیان له بیناى بانكى گه‌رمیان ده‌بن، بانكى كفری و ده‌ربه‌ندیخان و په‌روێزخانیش وه‌ك خۆیان ده‌مێننه‌وه.بانكه‌كانى پێنجوێن و باشماخیش به‌ناوى بانكى پێنجوێن له بیناى بانكى باشماخ ده‌مێننه‌وه، بانكى چه‌مچه‌ماڵ و چه‌رمووش ده‌بنه یه‌ك و له‌ژێر ناوى بانكى چه‌مچه‌ماڵ و له بیناى بانكه‌كه ده‌مێننه‌وه.بانكى پسپۆڕیی چه‌مچه‌ماڵیش ده‌گوازرێته‌وه بۆ بانكى چه‌رموو.
بانكى هه‌ڵه‌بجه‌ش وه‌ك خۆى ده‌مێنێته‌وه و بانكه‌كانى سه‌یدسادق و شاره‌زووریش له‌ژێر ناوى بانكى سه‌یدسادق و له بیناكه‌یدا ده‌مێننه‌وه.
ئه‌وه‌ى جێگه‌ى سه‌رنجه تائێستا ئه‌م هه‌نگاوه له پارێزگاكانى هه‌ولێر و دهۆك جێبه‌جێ نه‌كراوه.
-
سوپرایزێکی تری بەغداد لە ڕێگەدایە؛ مەترسیی گۆڕینی دراو و لابردنی سفرەکان لە چەند مانگی داهاتوودا
|
-
كێشه‌كانی نێوان هه‌ولێر و به‌غدا له بودجه‌ی 2027؛ له نه‌وت و داهاتی گومرگییه‌وه تا ڕێژه‌ی پشكه‌كان
|
-
بەهای دۆلار وەکخۆی نامێنێتەوە؛ ئەنجومەنی وزاری ئابووری عێراق پرۆژەیاسای بودجەی پەسەندکرد
|
-
فەرمانبەری گرێبەست و کرێکاری رۆژانە لە بودجە جێگیرکران
|
-
کێشەی گەرووی هورمز و هەڕەشەی سزای ئەمریکا؛ کۆمپانیای "سۆمۆ" سزا دەدرێت؟
|
-
ڕێککەوتنی سیاسی بۆ تێپەڕاندنی خشتەکان؛ بۆچی سەردانەکەی وەفدی هەرێم بۆ بەغدا یەکلاکەرەوەیە؟
|
-
عێراق هەناردەی نەوتی لە گەرووی هورمزەوە گەیاندووەتە دوو ملیۆن بەرمیل
|
-
بانكه بازرگانییه‌كانى سلێمانى و هه‌ڵه‌بجه و ئیداره‌كانى ڕاپه‌رین و هه‌ڵه‌بجه كه‌م ده‌كرێنه‌وه
|
-
عێراق رێکارەکان توند دەکاتەوە و هەرێمی کوردستان ناچار بە جێبەجێکردنی سیستەمی نوێی دارایی دەکرێت
|
|
|
|