ئاگاداریەک لە شارەوانی سلێمانیەوە

ناوەندی هەواڵ

سەرۆکایەتیی شارەوانییەکانی سلێمانی ئاشکرایکردووە، تەنیا دوو ڕۆژ مۆڵەت هەیە بۆ ئەو فەرمانبەرانەی مۆڵەتیان وەرگرتووە و لە دەرەوەی وڵاتن، بۆ ئەوەی سوودمەندبن لە وەرگرتنی زەوی.

ئاوات عەزیز، بەڕێوەبەری ڕاگەیاندنی شارەوانییەکانی سلێمانی لە لێدوانێکی ڕۆژانامەوانیدا ڕایگەیاندووە، لەسەر ڕاسپاردەی وەزیری شارەوانی دوایین مۆڵەت دەدرێتە ئەو فەرمانبەرانەی مۆڵەتی بێ مووچەیان وەرگرتووە و لە دەرەوەی وڵاتن و خزمەتی 8 ساڵیان هەیە سەردانی شارەوانی بکەن. 

ئاماژەی بەوەشکردووە، ئەو فەرمانبەرانە پێویستە لە ماوەی 2 دوو رۆژدا، واتا یەکشەممە و دووشەممە، خۆیان یاخود کەسێک بنێرن کە وەکالەتی گشتی یاخود تایبەتی ئەو فەرمانبەرەی هەبێت، بەمەبەستی پڕکردنەوەی فۆڕمی بەڵێننامەی وەرگرتنی زەوی.

ئەوەشی خستووەتەڕوو، پێویستە وەکیلی فەرمانبەر ئەم پێداویستیانەی پێبێت، کارتی زانیاری، کارتی نیشتمانی خۆی، کارتی هاوسەر و منداڵ.

بەگوێرەی ئاماری شارەوانییەکانی سلێمانی، 32 هەزار فەرمانبەری سلێمانی لە وەرگرتنی زەوی سوومەند دەبن، ئەو فەرمانبەرانە دابەشی سێ شارەوانی ناوەوەی سلێمانی و 45 شارەوانی دەوروبەری پارێزگای سلێمانی، دەبن.