مەرال بێشتاش: یاساکانی تورکیا لە دژى کورد داڕێژراونەتەوە

ناوەندی هەواڵ

مەرال بێشتاش، پەرلەمانتاری دەم پارتی دەڵێت، لە تورکیا نادادپەروەریی هەیە و دانانی قەیوم لەسەر شارەوانییەکان یەک لە گەورەترین نادادپەروەرییەکانە.

ئەو پەرلەمانتارە لە گوتارێکدا ڕایگەیاند، پرسی کورد پرسێکی مێژووییە، بەدرێژایی مێژوو رووبەڕووی نادادپەروەریی بووەتەوە.

دەشڵێت، زۆربەى یاساکانی تورکیا لە دژى کورد داڕێژراونەتەوە و نادادپەروەریی زۆر بەرامبەر بە کورد کراوە و 100 ساڵ پێناس و ناو و کلتووری کورد ڕەتکراوەتەوە.

ئاماژەی بەوەشکردووە، ئەگەر دادپەروەری نەبێت ئاشتەوایی نایەتەئاراوە، لە دنیا نمونەى ئەو کەسانە زۆرە کاتێک ئاشتەوایی دەستەبەر بێت ئازاد دەکرێت، دەبێت لایەنەکانی ئاشتی ئازاد بکرێن، بێگومان لە تورکیاش ئۆجەلان وەک لایەنی بەرپرسیارێتی پرسی کورد دەبێت ئازاد بکرێت.