نه‌ته‌وه‌یه‌كگرتووه‌كان: 76 ساڵە ئیسرائیل سیاسه‌تی برسیكردنی دژی فه‌ڵه‌ستینییه‌كان پەیڕەودەکات

ناوەندی هەواڵ

بڕیاردەری نەتەوە یەکگرتووەکان بۆ خۆراك ئاشکرایکردووە، ئیسرائیل دەیەوێت بە ئەنجامدانی برسیکردنی خەڵکی غەززە قێزەوەنترین جۆرەکانی تاوانی مرۆڤایه‌تی ئەنجام بدات.

مایكڵ فه‌خری، بڕیارده‌ری نه‌ته‌وه‌ یه‌كگرتووه‌كان تایبه‌ت به‌ مافی خۆراك، له‌ ڕاپۆرتێکیدا ڕایگەیاندووە، لەدوای دەسیپێکردنی شەڕ لە 7ـی ئۆکتۆبەر، ئیسرائیل دەستی کردووە بە هەڵمەتی برسیکردنی خەڵکی غەززە.

ئاماژەی بەوەشکردووە، لە ئێستادا قه‌واره‌ی زایۆنی ڕێگه‌ به‌ گه‌یشتنی خۆراك بۆ كه‌رتی غه‌ززه‌ نادات، و زۆربه‌ی یارمه‌تییه‌ سنوورداره‌كانیش بۆ باشوور و ناوه‌ڕاستی كه‌رته‌كه‌ چووه‌، نه‌ك بۆ باكوور، لەبەر ئەوەشە زۆربەی‌ خه‌ڵكه‌كه‌ به‌ ناچاری له‌ به‌شی باكوور ئاواره‌ بوون.

ئەوەشی خستووەتەڕوو، بەدرێژای 76 ساڵی ڕابردوو ئیسڕائیل هەمیشە سیاسه‌تی برسیكردنی دژی فه‌ڵه‌ستینییه‌كان به‌كاردێنێت، و چه‌ندین ڕێگا و ته‌كنیكی به‌كار هێناوه‌.

بەرپرسانی ڕێکخراوەکە‌ قه‌واره‌ی زایۆنی به‌كارهێنانی یارمه‌تییه‌ مرۆییه‌كان وه‌ك چه‌كی سیاسی، سه‌ربازی بۆ زیانگه‌یاندن و كوشتنی فه‌ڵه‌ستینیه‌كان له‌ غه‌ززه‌، تۆمه‌تبار ده‌كات. 

لەسەرەتای دەستپێکردنی جەنگەوە تا مانگی 12ی 2023، فەلەستینییەکانی غەززە 80%ـی ئە کەسانەیان پێک هێناوە کە لە جیهاندا به‌ده‌ست قاتوقڕی و برسێتی زۆره‌وه‌ ده‌ناڵێنن.