ئێران هاوڵاتییەکى دیکەى کوردى لە سێدارەدا

ناوەندی هەواڵ

دواى دەساڵ لە زیندانیکردنى ئێران هاوڵاتییەکى دیکەى کوردی بە ناوی ناوی “سەجاد بەندەگی” خەڵکی هەرسین لەسێدارەدا.

بەپێى ئامارەکان تەنها لە مانگى ئابى ئەمساڵ زیاتر لە 90 هاوڵاتیی لەسێدارە دراون، کە لە 21%ی ئەوانە کورد بوون، ئەو ئامارە بەراورد بە مانگی تەمووزی ڕابردوو زیادی کردووە، کە 55 هاوڵاتیی لەسێدارە درابوون.

میدیاکانى ڕۆژهەڵاتى کوردستان بڵاویان کردەوە، دوێنێ ڕژێمی ئێران هاوڵاتییەکی کوردی بە ناوی “سەجاد بەندەگی”  تەمەن 37 ساڵان و خەڵکی هەرسینی سەر بە شاری کرماشانی ڕۆژهەڵاتی کوردستان  لە زیندانیی قزڵحیساری کەرەج لەسێدارەدا.

لە زانیارییەکانى ئەو میدیایانەدا هاتووە، سزای سێدارەی ئەو هاوڵاتییە چەند کاتژمێرێک دوای گواستنەوەی بۆ ژووری تاکەکەسی لە زیندانیی قزڵحیساری کەرەج جێبەجێ کراوە، بەندەگى 10 ساڵ پێش ئێستا دەستگیرکرابوو لەلایەن دەزگای دادوەری ئێرانەوە سزای سێدارەی بە سەردا سەپێندرابوو.