به‌راوردى تۆمارى ده‌نگده‌ران له‌ سێ خولى هه‌ڵبژاردندا

ناوەندی هەواڵ

نوسەرێکى کورد بە داتا و زانیارى ورد بەراوردى تۆمارى دەنگدەران لەماوەى سێ خولى هەڵبژاردنەکانى پەرلەمانى کوردستان ئاشکرا دەکات و دەڵێت، بەگشتى لە هەر سێ پارێزگاى سلێمانى و هەولێر و دهۆک  له‌ نێوان ساڵى 2018 و 2021 نزیكه‌ى 132,829ده‌نگ زیاد كراون.

سلێمان مستەفا حەسەن نوسەرى کورد لە نوێترین وتارى خۆیدا بەراوردى تۆمارى ده‌نگده‌ران له‌ سێ خولى هه‌ڵبژاردندا کردوە و بە پێى بەراوردەکەش بۆى دەرکەوتووە، جیاوازى نێوان تۆمارى هه‌رسێ پارێزگاى سلێمانى، هەولێر و دهۆک به‌گشتى له‌ نێوان ساڵى 2018 و 2021، نزیكه‌ى (132,829)، ده‌نگ زیاد كراون، له‌ كاتێكا سێ موالیدى تازه‌ش مافى ده‌نگدانى پێدراوه‌، به‌و پێیه‌ى ته‌مه‌نى 18 ساڵیان ته‌واو كردوه‌.

دەشڵێت، جیاوازى تۆمارى ساڵى 2021 و 2024 نزیكه‌ى (383,581) ده‌نگ كه‌میكردوه‌، به‌هه‌مان شێوه‌ 3 موالید زیاد كراوه‌ بۆ سه‌ر تۆمارى ده‌نگدان.

بەوتەى ئەو نوسەرە،  جیاوازى تۆمارى ساڵى 2018 له‌گه‌ڵ تۆمارى 2024 نزیكه‌ى (250,752)ده‌نگ كه‌میكردوه‌ ، له‌ كاتێكدا به‌ نزیكه‌یی شەش موالید زیاد كراون بۆ سه‌ر تۆمارى ده‌نگدان .