داعش لە ڕۆژئاوای کوردستان تەقینەوەی ئەنجامدا؛ سێ ئه‌ندامى هه‌سه‌ده‌ برینداربوون

ناوەندی هەواڵ

هێزه‌كانى سوریاى دیموكرات "هه‌سه‌ده‌" ڕایگه‌یاند، به‌هۆى ته‌قینه‌وه‌ى ماتۆڕێكى چه‌كدارانى داعش سێ ئه‌ندامى هێزه‌كانیان برینداربوون.
ته‌قینه‌وه‌كه‌ له‌ باشورى حه‌سه‌كه‌ و له‌سه‌ر ڕێگه‌ى شارى ڕه‌قه‌، له‌ ڕێگه‌ى ماتۆڕسكیلێكه‌وه‌ له‌لایه‌ن شانه‌ نوستووه‌كانى داعشه‌وه‌ ئه‌نجامدراوه‌.
هه‌سه‌ده‌ له‌ ڕاگه‌یه‌ندراوێكدا ڕایگه‌یاند: ته‌قینه‌وه‌كه‌ له‌كاتژمێر پێنجى ئێواره‌ى دوێنێ ڕوویداوه‌ و چه‌كدارێكى خۆكوژى داعش ئه‌نجامیداوه‌ و به‌هۆیه‌وه‌ سێ ئه‌ندامى هه‌سه‌ده‌ برینداربوون.
چه‌كدارانى داعش ماوه‌یه‌كه‌ جموجوڵه‌كانیان له‌ ڕۆژئاوا و ناوچه‌ كێشه‌ له‌سه‌ره‌كانى هه‌رێمى كوردستان زیادیكردووه‌، دوێنێش له‌ سنورى خورماتوو له‌ باشورى كوردستان به‌هۆى ته‌قینه‌وه‌ى بۆمبێكى چێندراوى چه‌كدارانى داعش سێ ئه‌فسه‌رى پێشمه‌رگه‌ شه‌هیدبوون و سێ سه‌ربازى سوپاى عێراقیش برینداربوون.