بادینان؛ هێرشەكانی توركیا گرفتی بۆ پرۆسەی سەرژمێری درووستكردووە

ناوەندی هەواڵ

سەرۆكی دەستەی ئامار و بریكاری وەزارەتی پلاندانانی حكومەتی هەرێم دەڵێت، بۆردوومانەكانی سوپای توركیا گرفتی بۆ پرۆسەی سەرژمیری درووستكردووە بە جۆرێك ناتوانین بژمێر بنێرینە ئەو ناوچانەی مەترسیى بۆردوومانیان لەسەرە.

سیروان محەمەد سەرۆكی دەستەی ئامار و بریكاری وەزارەتی پلاندانانی حكومەتی كاربەڕێكەری هەرێمی كوردستان لەبارەی مەترسی هێرشەكانی دەوڵەتی توركیا ڕایگەیاندووە، بۆردوومانەكانی سوپای توركیا گرفتی بۆ پرۆسەی سەرژمیری درووستكردووەو بەوهۆیەشەوە ناتوانین بژمێر بنێرینە ئەو ناوچانەی مەترسیى هێرشیان لەسەرە.

لەكاتێكدایە ماوەی دوو ڕۆژە پرۆسەی سەرژمێری گشتی دانیشتووانی عێراق و هەرێمی كوردستان دەستیپێكردووە.

جێگای ئاماژەیە ڕۆژانە دەوڵەتی توركیا بۆردوومانی ناوچە جیاوازەكانی هەرێمی كوردستان دەكات و هاوڵاتی مەدەنی و ژینگەكەی دەكاتە ئامانج بەڵام تا ئێستا حكومەتی عێراق وهەرێم هیچ هەڵوێستێكیان نەبووە.