دەست بەدابەشکردنى پارەى بژێرەکان دەکرێت

بەڕێوەبەری ئاماری هەولێ رایگەیاند، پارەی تەواوی ئەو بژمێرانەی پرۆسەی سەرژمێریی گشتیی دانیشتووانیان لە هەرێمی کوردستان بەڕێوە برد گه‌یشتووه‌ و دوای ته‌واوبوونی رێككارەکان دەستبەدابەشکردنى دەکەین.

لە 20ی تشرینی دووەمی 2024، لە عێراق و هەرێمى کوردستان سەرژمێریی گشتیی دانیشتوان بەشێوەی کردەیی دەستیپێکرد و بە سێ قۆناغ بەڕێوەچوو لە 14ی کانوونی یەکەم کۆتایی هات، 120 هەزار بژمێر بەشدارییان لە پرۆسەکەدا کرد، بەڵام تا ئێستا پارەى بژمێرەکا دابەشنەکراوە.

د.دڵزار حەمەساڵح، بەڕێوەبەری ئاماری هەولێر رایگەیاند، پارەی تەواوی ئەو بژمێرانەی پرۆسەی سەرژمێریی گشتیی دانیشتووانیان لە هەرێمی کوردستان بەڕێوە برد گه‌یشتووه‌ و دوای ته‌واوبوونی رێككاری كارگێڕی له‌ رۆژانی داهاتوو ده‌ست به‌دابه‌شكردنی بره‌ پاره‌ی مانگی 11 ده‌كرێت كه‌ بڕه‌كه‌ی 250 هه‌زار دیناره‌.

وتیشى، له‌ رۆژانی رابردووش پارەی بەڕێوەبەر و یاریدەدەری بەڕێوەبەرەکان، دابەش كراوه‌.

لە سنووری بەڕێوەبەرایەتی ئاماری هەولێر، حەوت هەزار و 600 بژمێر هه‌یه‌، ئەو پارەی وەریشیدەگرن، تەنها هی مانگی 11 یە.