ئەمرۆ 10 ساڵ بەسەر شەهیدكردنی هوجام سورچی تێدەپەڕێت

ئەمڕۆ 10 ساڵ بەسەر شەهیدكردنی هوجام سوچی تێدەپەڕێت، ئەو پێشمەرگەیەی لەشەڕی ئازادكردنی موسڵ كەوتە دەست تیرۆریستانی داعش.

عومەر  كوڕی هوجام سورچی، دەڵێت: لە ڕۆژێكی وەكو ئەمڕۆدا 25/1/2015 لە پارێزگای مووسڵ باوكم كە پێشمەرگە بوو بەدیل كەوتبووە دەستی داعش بە شێوەیەكی زۆر دڕندانە شەهیدكرا و خوێنی خۆی كردە قوربانی لەپێناو خاك و نیشتیمان.

عومەر شەهید هوجام سورچی وتیشی، ئەمڕۆ بۆ ئێمە ڕۆژێكی خەمناكە و هەمووساڵ لەم ڕۆژەدا برینمان دەكولێتەوە،لەو ڕۆژەدا داوا لە هەموو لایەنەكان دەكەین یەكڕیزی ناوماڵی كوردی بپارێزن، چونكە دەستكەوتەكان بەیەكڕیزی دەپارێزرێن و ئەوانەی ماویشن بەدەست دێن، بۆیە ئەركی هەمووانە رێز لە خوێنی شەهیدان بگرین و ڕێگە نەدرێت ئەو دەستكەوتانەی بەدەست هاتوون لە ناوبچن.

شەهید هوجام عەبدولڕەحمان خدر سورچی لەساڵی 1970لە گوندی بەردەسۆری سەر بەناحیەی روڤیا لە قەزای بەردەڕەش لەدایك بووە و لەساڵی 1991وە بۆتە پێشمەرگە و بەردەوام بووە تا ئەو ڕۆژەی بەدیل كەوتە دەست تیرۆرستانی داعش لە پارێزگای موسڵ، دواتر لە بەرواری 25/1/2015 بەشێوەیەكی زۆر دڕندانە و بە بەرچاوی خەڵكەوە سەری لە لاشەی جیاكرایەوە و شەهید كرا، كە ساڵانە لەورۆژەدا یادی شەهید هوجام دەكرێتەوە و بۆتە سیمبولی خۆراگری.

لە ئازاری 2015 لە بەردەڕەش پەردە لەسەر پەیكەرێك بۆ هوجام سورچی لادرا، ئەم پەیكەرە وەك ڕێزێك لە نەبەردی ئەو درووستكرا.