سی پی تی ئەمریکی: تورکیا خانووى هاوڵاتیەکى تەقاندەوە

ئەندامی تیمی کوردستانی - عێراقی رێکخراوی CPT ی ئەمریکی رایگەیاند، سوپای تورکیا لە تۆڵەی کوشتنی ئەفسەرێک و چەند سەربازێکدا، خانووی خانووى هاوڵاتییەکى لە سنوورى ئیدارەى زاخۆ تەقاندووەتەوە و تەنها لە ساڵى رابردووشدا نۆ هاوڵاتى بەهۆى بۆردومانەکانى تورکیاوە گیانیان لەدەستداوە.

کامەران عوسمان، ئەندامی تیمی کوردستانی - عێراقی رێکخراوی CPT ی ئەمریکی رایگەیاند، گرتەیەکى ڤیدیۆى بڵاو کردووەتەوە، کە تیایدا دەرکەوتووە تەقاندنەوەى خاونووى هاوڵاتییەکە لە لایەن سوپاى تورکیاوە لە تۆڵەی کوشتنی ئەفسەرێک و چەند سەربازێکدایە.

وەک کامەران عوسمان دەڵێت، ئەو خانووە لە گوندی شلینێى شارەدێى باتیفایە و لە رێگەى فڕۆکەى بێفڕۆکەوانەوە تەقێندراوەتەوە ئەوەش لە تۆڵەى ئەوەدا بووە لە هێرشێکى گەریلاکاندا لە رۆژى هەینى رابردوودا بۆ سەر بارەگایەکى سوپای تورکیا لە گوندەکە، ئەفسەرێک و حەوت سەرباز کوژراون.

بەگوێرەى ئامارى  رێکخراوەکە، سوپاى تورکیا 71 بارەگاى لە هەرێمى کوردستان هەیە و تەنیا لەساڵى 2024دا، نۆ هاوڵاتى بەهۆى بۆردوومانەکانى تورکیاوە گیانیان لەدەسنداوە لەگەڵ بریندارکردنى ژمارەیەک هاوڵاـى دیکە.