25 سزادراو بە لێبووردنی تایبەتی سەرۆکی هەرێم ئازادکران

ناوەندی هەواڵ

بەڕێوەبەری گشتیی چاکسازییەکانی هەرێمی کوردستان رایگەیاند،25 حوکمدراوی نەخۆش  بە لێبووردنی تایبەتی سەرۆکی هەرێم ئازادکران.

بەگوێرەی ئاماری چاکسازییەکانی هەرێمی کوردستان زیاتر پێنج هەزار و 700 لە چاکسازیەکانى هەرێمى کوردسستاندان.

ئەمڕۆ پینجشەممە 14-11-2024، ئیحسان عەبدولڕەحمان، بەڕێوەبەری گشتیی چاکسازییەکانی هەرێمی کوردستان رایگەیاند، دوێنێ بە لێبووردنی تایبەت 25 سزادراومان ئازاد کرد، کە سەرجەمیان خەڵکی نێوخۆی هەرێمی کوردستان بوون.

دەشڵیت، ئەوانەى ئازاد کراون لە 13-10-2014ەوە لێبوردنى سەرۆکى هەرێمییان هەبوە و سەرجەمیان نەخۆش بوون، هەیانە شێرپەنجەی هەیە و تیاشیاندایە جەڵتەی دەماخ لێیداوە.

بەوتەى  کوێستان محەممەد، وەزیری کار و کاروباری کۆمەڵایەتیی هەرێمی کوردستان  لە چاکسازییەکاندا 100 کەس دەستنیشانکراون کە پەککەوتەن یان نەخۆشی شێرەنجەیان هەیە بۆ ئەوەی لێبووردنی تایبەتیان بۆ دەربکرێت.