کۆچکردنی گەنجان لە دەڤەری راپەرین بۆ گەشتن بە وڵاتانى ئەوروپا بەردەوامی ھەیە

ناوەندی هەواڵ

ئەگەرچی کۆچکردن دیاردەیەکی جیھانیە، بەڵام کۆچکردن لە ھەرێمی کوردستان و بەتایبەت لەناو گەنجانی دەڤەری ڕاپەرین  لە ئاستێکی بەرزدایە و بەشێوەیەکە بە ڕوونی لە بازاڕ و شوێنە گشتیەکاندا ھەستی پێدەکرێت و بە ڕێژەیەکی زۆر کەم گەنج بەرچاو دەکەوێت و ئەمەش مەترسی گەورە لەسەر ئایندەی وڵات و ناوچەکە دروست دەکات.

ئەمڕۆ، لە شارۆچكەی قەڵادزی سنوورى ئیدارەى ڕاپەڕینى سەر بە پارێزگاى سلێمانى ، بەمەبەستی هۆشداری دان لە مەترسی ئامارەکانی کۆچی گەنجان  ڕێکخراوی گەنجانی ڕاپەڕین  کۆنگرەیەکی ڕۆژنامەنووسی سەبارەت بە دۆخی کۆچبەران و ئاماری کۆچکردن لە ئەمساڵدا ئەنجامدا.

ئەحمەد حەسەن سەرۆکی ڕێکخراوی گەنجانی ڕاپەڕین ڕایگەیاند،کۆچکردنی گەنجان کارەساتێکی نیشتمانیە بە جۆرێک ڕێژەی گەنج بە شێوەیەکی بەرچاو لەم دەڤەرەدا کەم بۆتەوە. بەهۆی کۆچی بەلێشاوی گەنجانەوە نا هاوسەنگی ڕەگەزی لە ناوچەكەمان درووستبووە.

هاوکات ئەحمەد حەسەن دەڵیت  بێکاری، کەمی داهات و جیاوازی نێوان سنوورەکان هۆکاری سەرەکی کۆچکردنی گەنجانن، بە جۆرێک تەنها لە ئەمساڵدا دەڤەری ڕاپەڕین لە  پشدەر دوو هەزار و 633 گەنج کۆچیان کردوە   ئەحمەد حەسەن دەڵێت ، داوا لە حکومەتی هەرێم دەکەین سۆراخی بی سەوشوێناه‌ی کۆچ و خنکاوانی دەریایی ئیجە بکات، جیاوازی سنورەکان رابگرن. 

ئەحمەد حەسەندەشلیت داواکارین بەهانای ئەم ناوچەیەوە بێن چونكە پێویستی بە بنایتنانەوەی ژێرخانی ئابوری و کۆمەڵێک پرۆژەی باش هەیە ، کە گەنج بتوانێت خۆی تێدا بدۆزێتەوە، هەلی کار بۆ گەنجان بڕەخسێت.