ڕۆژنامەی سەباح: شەقامەکانى بەغداد بوون بە گۆڕەپانى جەنگ

ناوەندی هەواڵ

تادێت شەقامەکانى بەغدادى پایتەخت قەرەباڵغتر دەبن و بە دوکەڵ و زۆری ژمارەى ئۆتۆمبێلەکان دەخنکێن و ژمارەى ڕووداوەکانیش روویان لە بەرزبوونەوەیە.

عەبدولزوهرە هنداوى ، وتەبیژى وەزارەتى پلاندان ڕایگەیاندووە، تەنها لەساڵی 2023 دا 3000 کەس بە ڕوداوەکانى هاتوچۆ گیانیان لەدەستداوە.

حەیدەر محمەد وائیلى بەڕێوەبەرى پەیوەندییەکان و ڕاگەیاندنى هاتوچۆی بەغداد بەڕۆژنامەکەی وتووە، لە نیوەى یەکەمى ئەمساڵدا تەنها لە بەغداد دوو ملیۆن سەرپێچى هاتوچۆ تۆمارکراون.

بەپێی ڕاپۆرتی ڕۆژنامەکە، هۆکارەکانى دەگەڕێتەوە بۆ نەبوونى هوشیارى شۆفێرەکان و خراپی رێگەوبان و خێرایی لێخوڕینە کە رۆژنامەکە ناوى ناوە “شێتانە لێخوڕین”.

بە ووتەی وتەبێژی وەزارەتى پلاندانان لە ساڵی رابردوودا جگە لە هەرێمى کوردستان کەمتر لە 12 هەزار ڕووداوى هاتوچۆ تۆمارکراوە و تیایدا دوو هەزار و 472 کەس لە ڕەگەزی نێر و 547 کەسیان لە ڕەگەزی مێ گیانیان لەدەستداوە.