دەم پارتى لەبارەى دیدارەکەیان لەگەڵ ئۆجـ*ەلان راگەیەندراوێکى بڵاوکردەوە

ناوەندی هەواڵ

شاندى دەم پارتى لەبارەى ناوەڕۆکى دیداریان لەگەڵ ئۆجەلان رایگەیاند، بەهۆى هەستیارییەوە تا پرۆسەکە دەگاتە قۆناغێکى پێگەیشتوو، هیچ راگەیەندراوێک بڵاوناکەینەوە.

رۆژى شەممە 28-12-2024، هەردوو پەرلەمانتاری دەمپارتی سرری سورەیا ئۆندەر و پەروین بوڵدان چوونە زیندانی ئیمراڵی و چاویان بە عەبدوڵا ئۆجەلان، ڕێبەری زیندانیكراوی پارتی كرێكارانی كوردستان – پەكەكە كەوتوو رایانگەیاند دواى کۆتاى هاتنى پشوى سەرىساڵ داواکاری پێشکه‌شى پارتە سیاسییەکان دەکەن بۆ ئەنجامدانی دیدار و بە ئەگەرێکى زۆرەوە لەماوەیەکی نزیکدا، جارێکی دیکە سەردانی ئیمراڵی دەکەنەوە.

ئەمڕۆ دووشەممە 30-12-2024، شاندى پارتى دەم لەبارەى ناوەڕۆکى دیداریان لەگەڵ ئۆجەلان لە راگەیەندراوێکدا بڵاویکردەوە، بەهۆى هەستیارییەوە تا پرۆسەکە دەگاتە قۆناغێکى پێگەیشتوو هیچ راگەیەندراوێک بڵاوناکەنەوە، بەراورد بە پرۆسەکانى رابردوو ئومێدى زیاتریان هەیە.

لە راگەیەندراوەکەدا هاتووەن ئەو بڕیارە بە واتاى شاردنەوەى زانیارییەکان نایەت، بەڵکو رێزگرتنە لەو دیدارانەى دەکەن، بەراورد بە پرۆسەکانى رابردوو ئومێدى زیاتریان هەیە.