دەم پارتی: کێشەی کورد لە توركیا بە لەناوچون چارەسەر ناکرێن

هاوسەرۆكی پارتی یەکسانی و دیموکراسیی گەلان (دەم پارتی) داواى دووبارە سەردانیکردنى شاندەکەیان بۆ ئیمراڵى دەکات و دەڵێت، کێشەی کورد لە توركیا بە لەناوچون چارەسەر ناکرێن، دەبێت دەرگاکان بکرێنەوە.

تونجەر باكرهان، هاوسەرۆكی پارتی یەکسانی و دیموکراسیی گەلان (دەم پارتی) دوای کۆبونەوەی گروپی پەرلەمانی حزبەکەی لە وەڵامی پرسیاری ڕۆژنامەنوسان ڕایگەیاند، هیوادارن بە زوترین كات شاندەكەیان سەردانی ئیمرالی بكەنەوە و كۆبونەوەی دوەم ئەنجامبدەن.

تونجەر باكرهان، ، نازانن کەی شاندەكەیان لێدوان دەدات بۆئەوەی جارێكی دیكە سەردانی ئیمرالی بكەنەوە و كۆبونەوە ئەنجامدەدەن، بەڵام هیوادارە بە زوترین کات ئەوە ڕوبدات و داواكاری ئەوانیشە.

وتیشى، ئێمە نازانین هەڵوێستی ئیمرالی لەبارەی چەك دانانەوە چۆن دەبێت، پێویستە شاندەکە بچێتەوە ئەوێ و دەبێت دەرگاکان بکرێتەوە.

وەک باکر هان ئاماژەى بۆدەکات، گرفتەکان بە پشتگوێخستن چارەسەر ناکرێن،گرنگە لە ئێستادا کێشەی کورد هەیە، کێشەی دیموکراتیزەکردنی تورکیا هەیە كە بە لەناوچون چارەسەر ناکرێن.