هه‌سه‌دە دوو فڕۆكه‌ی بێفڕۆكه‌وان ده‌خاته‌ خواره‌وه‌ و پێگه‌ی سه‌ربازی توركیاش له‌ سوریا بۆردومان ده‌كات

ڕوانگه‌ی سوری بۆ مافه‌كانی مرۆڤ ڕایگه‌یاند هێزه‌كانی سوریای دیموكرات-هه‌سه‌ده‌ دوو فڕۆكه‌ی بێفڕۆكه‌وانی خۆكوژیی گروپ و تاقمە تیرۆرستیەکانی سەربە توركیایان له‌ ده‌ورووبه‌ری به‌نداوی تشرین خستۆته‌ خواره‌وه و دوو پێگەشیان بۆردوومان کردووە .‌.
هێزەکانی سوریای دیموکرات ( هه‌سه‌ده‌ ) ڕایگەیاند لەبەردەوامی بەرخودانی هێزەکانیان بەرامبەر تورکیا و گروپەکانیان، به‌ فڕۆكه‌ی بێفڕۆكه‌وان دوو پێگه‌ی سه‌ربازی توركیایان له‌ ناوچه‌ی (قه‌ره‌قۆزاق و هۆشه‌ریه‌) له‌ ڕیفی حه‌له‌ب بۆردومان كردووە .
ئۆپراسیۆنه‌‌کانی هەسەدە بەرامبەر تورکیا و گروپ و چەتەکانیان لەبەرابەر ئەو هێرشە بەردەوامانەیە کە تورکیا و گروپەکان بە هێرشی زەمینی و ئاسمانی دەیکەنە سەر هەرێمەکانی ئیدارەی خۆسەر و بەدیاری کراوی بەنداوی تشرین و پردی قەرەقۆزاخ .
لە دوو ڕۆژی ڕابردوودا فڕۆكه‌ جه‌نگییه‌كانی ده‌وڵه‌تی داگیرکەری توركیا بە چڕی بۆردومانی ده‌وروبه‌ری پردی قه‌ره‌قۆزاخ و نزیك فڕۆكه‌خانه‌ی سیرینیان كرد له‌ ده‌وروبه‌ری كۆبانی، له‌ونێوانه‌شدا ڕۆژنامه‌نووسێكی كورد به‌ناوی "عه‌گید ڕۆژ-شه‌ڕڤان سیدۆ" گیانی له‌ده‌ستدا. به‌مه‌ش ژماره‌ی ئه‌و ڕۆژنامه‌نووسانه‌ی كورد كه‌ به‌هۆی بۆردومانی توركه‌كانه‌وه بۆسه‌ر ناوچه‌كانی ئیدارەی خۆسه‌ری دیموكراتی ‌ شه‌هیدبوون له‌ دوو مانگی ڕابردووه‌وه‌ به‌رزبووه‌وه‌ بۆ چوار ڕۆژنامه‌نووس و دەیان شەهید و برینداری دیکەی هاوڵاتی سڤیل ..