ترەمپ هەڕەشە لە ئێران دەکات و موجتەباش ئامادەکاری دەکات

گرژییەکانی واشنتۆن و تاران؛ عێراقچی کۆبوونەوە لەگەڵ ئەمریکا ڕەت دەکاتەوە و ترەمپیش هەڕەشەی هێرشی چڕ دەکات

تەنگژە سیاسی و سەربازییەکانی نێوان ویلایەتە یەکگرتووەکانی ئەمریکا و کۆماری ئیسلامیی ئێران پێوەرێکی نوێی بەخۆوە بینیوە، بە جۆرێک کە لایەنەکان لە ڕێگەی لێدوان، جووڵەی سەربازی و نێوەندگیریی ناوچەیییەوە پێگەی خۆیان توندتر دەکەن.

لەم چوارچێوەیەدا، عەباس عێراقچی، وەزیری دەرەوەی ئێران، ڕایگەیاند لە ئێستادا هیچ پلان و پێویستییەک بۆ کۆبوونەوە لەگەڵ بەرپرسانی ئەمریکا نابینن و ئەو ڕاپۆرتانەی لەو بارەیەوە دەسوڕێنەوە تەنها قسەی میدياین.

ناوبراو ئاماژەی بەوەش کرد پەیامەکەی جەی دی ڤانس، جێگری سەرۆکی ئەمریکا، بە وردی پێداچوونەوەی بۆ کراوە، بەڵام ئەگەر ئامانجی واشنتۆن سووتەمەنی دابەشبوون بێت، ئەوا هەڵەیەکی نوێ پێکدەهێنێت.

 لە بەرامبەردا، سەرچاوە هەواڵگری و ڕۆژنامەوانییەکان باس لەوە دەکەن ئیدارەی ئەمریکا بە سەرۆکایەتیی دۆناڵد ترەمپ پلانی بۆ هێرشێکی کورت و چڕ لە ٤ی تشرینی دووەم داناوە بۆ ئەوەی ئێران ناچار بە ڕێککەوتنی ئەتۆمی بکات، هەرچەندە واشنتۆن هەوڵەکانی لە ڕێگەی موحسین ڕەزایی و ناوبژیوانانی قەتەریشەوە بۆ گەیشتن بە کۆدەنگی درێژ پێداوە.

لە لایەکی ترەوە، شەڕی زارەکی و ململانێی ئابووری لەگەڵ وڵاتانی ئەوروپی گەیشتووەتە ئاستێکی بەرز، عێراقچی لە تۆڕی کۆمەڵایەتیی «ئێکس» وەڵامی راوێژکاری ئەڵمانیای دایەوە کە گلەیی لە تێچووی ١٠٠ ملیار یۆرۆیی ئەوروپا بەهۆی بەرزبوونەوەی نرخی وزە لە ئەنجامی ململانێکانی ئێران کردبوو، جەختی کردەوە کە هێڵە سورەکان بوونەتە شتی رابردوو. هاوکات موحسین ڕەزایی، ئەمینداری ئەنجومەنی باڵای ئاسایشی نەتەوەیی ئێران، ڕەخنەی توندی لە ئەوروپا گرت و ڕایگەیاند کە ئێستا نۆرەی ئەوانە باجی ئەو شەڕ و تاوانانە بدەن کە لە ڕابردوودا پشتیوانیان کردووە.

 لە ئاستی باڵای ئێرانیشدا، موجتبا خامنەیی، ڕابەری باڵای ئێران، لە دیدارێکدا لەگەڵ فەرماندە سەربازییەکان جەختی لەوە کردەوە، هێرش و هەڕەشەکان دەبێت بەشێوەیەکی خێرا و بێسنووری جوگرافی وەڵام بدرێنەوە و بانکی ئامانجەکان بۆ لێدانی سەروەت و سامانی ئەمریکی-زایۆنی نوێ بکرێنەوە.

ئەو وتانەی موجتەبا خامنەیی لە کاتێکدایە، میدیاکانی ئێرانیش نەخشەی وردی جووڵەی هێزەکانی ئەمریکایان لە ئیمارات بە زیرەکیی دەستکرد بڵاو کردووەتەوە.