ئەنجومەنی وەزیرانی عێراق لەبارەی موچەوە بڕیاریدا

ناوەندی هەواڵ

لە جیاتی موچەی مانگی 5، لیژنەی 5 كەسی پێكهات!

دیسان موچە دوادەكەوێت.. 68 ڕۆژ تێپەڕی

ئەمڕۆ سێ شەممە 8ی تەمموزی 2025 ئەنجومەنی وەزیرانی عێراق كۆبویەوەو دوای تەواوبونی كۆبونەوەكە لە بارەی موچەی فەرمانبەرانی هەرێمەوە بڕیاریدا،لیژنەیەکی تایبەت بە چارەسەرکردنی ئەو كێشەوە پێكبهێندرێت.

 ئەنجوومەنی وەزیرانی عێراق لەکۆبوونەوەکەیدا نەیتوانی بڕیاری یەکلاکەرەوە لەبارەی موچەی موچەخۆرانی هەرێمی کوردستان بدات، بەڵكو لیژنەیەكی وزاری بۆ پێكهێنرا.

بەپێی زانیارییەكان، لە كۆبوونەوەی ئەنجوومەنی وەزیرانی عێراق بڕیار درا لیژنەیەكی وزاری لە 5 وەزارەت پێكبهێنرێت لە وەزیرانی "دارایی و پلاندانان و خوێندنی باڵا و نەوت و داد".

بەپێی بڕیاری ئەنجوومەنی وەزیران، ئەو لیژنەیە كۆبوونەوە لەگەڵ هەرێم دەكات و ڕێكبكەون لەگەڵ هەرێم و دواتر ڕەشنووسەكە دەبەنە كۆبوونەوەی بەپەلەی ئەنجوومەنی وەزیران و بڕیاری لێ‌ دەدرێت.

لیژنەکە کە لە پێنج کەس پێکهاتوون  وەزیری پلاندانانی عێراق سەرۆکایەتی دەکات.