زانیاریى گرنگ له‌باره‌ى ڕێكه‌وتنى هه‌ولێرو به‌غداوه‌ ئاشكراده‌كرێت

وه‌زیری ده‌ره‌وه‌ی عێراق كه‌ هاوكات جێگری سه‌رۆك وه‌زیرانی عێراقیشه‌ زانیاریى گرنگ له‌باره‌ى ڕێكه‌وتنى هه‌ولێرو به‌غداوه‌ ئاشكراده‌كات، ده‌شڵێت:"له‌نێوان هه‌ولێرو به‌غدا لێكتێگه‌یشتنى باش دروستبوه‌و له‌چه‌ند ڕۆژی داهاتودا له‌سه‌ر داهاتی نا نه‌وتی ده‌گه‌نه‌ ڕێككه‌وتنی كۆتایی".

د.فوئاد حوسێن وه‌زیری ده‌ره‌وه‌ی عێراق به‌ڕۆژنامه‌وانانى وت، "به‌ره‌وپێشچونی باش له‌نێوان هه‌ولێرو به‌غدا له‌سه‌ر داهاتی نا نه‌وتی دروستبوه‌و لێكتێگه‌یشتنى باش هه‌یه‌ بۆ ڕێككه‌وتنی كۆتایی".

وتیشى:"پێوستمان به‌ڕێككه‌وتنێكی سێ قۆڵی هه‌یه‌ له‌نێوان هه‌ولێرو به‌غداو كۆمپانیاكانی نه‌وت تا كێشه‌كه‌ به‌ڕیشه‌یی چاره‌سه‌ربێت".

به‌وته‌ى د.فوئاد حوسێن، "به‌دڵنیایی له‌دوو رۆژی داهاتودا لیژنه‌كان ڕاپۆرته‌كانیان به‌نیازی چاره‌سه‌ر ده‌به‌نه‌ كۆبونه‌وه‌ی ئه‌نجومه‌نی وه‌زیران تاڕۆژی سێشه‌ممه‌ خوێندنه‌وه‌ بۆ ناوه‌ڕۆكی ڕاپۆرته‌كان بكرێت‌و بخرێته‌ ده‌نگدانه‌وه‌".

وه‌زیرى ده‌ره‌وه‌ى عێراق ئه‌وه‌شى وت، "هه‌موو هه‌وڵه‌كان له‌پێناو ئه‌وه‌ن ئه‌م هه‌فته‌یه‌ بگه‌ینه‌ ڕێككه‌وتنی كۆتایی له‌باره‌ی نه‌وت‌و داهاتی نا نه‌وتی".