سەرۆکی ئۆکراینا لە وەرگرتنی مووشەکی دوورهاوێژ لە ئەمریکا نائومێد بوو

ئیرادە میدیا

شەوی هەینی، ڤۆلۆدیمێر زێلێنسکی، سەرۆکی ئۆکراینا، دوای کۆبوونەوەی لەگەڵ دۆناڵد ترەمپ، سەرۆکی ئەمریکا لە کۆشکی سپی، ڕایگەیاند: ئارەزووی نییە باس لە بابەتی مووشەکە دوورهاوێژەکان بکات.

زێلێنسکی لە کۆنفرانسێکی ڕۆژنامەوانیدا دانی بەوەدانا کە ویلایەتە یەکگرتووەکانی ئەمریکا نایەوێت پەرەسەندن لە ململانێکاندا ڕووبدات و ئاماژەی بەوەدا: لەگەڵ ترەمپ بڕیارماندا کە بۆ ئێستا بە ئاشکرا باس لە مووشەکی دوورهاوێژ نەکەین.

سەرۆکی ئۆکراینا ڕایگەیاند: دوای وتووێژەکانی ئەو ڕۆژە، پەیوەندی و گفتوگۆی لەگەڵ "هاوبەشە ستراتیژییەکانی و هەندێک لە سەرکردەکانی ئەوروپا و سەرکردە سەرەکییەکانی هاوپەیمانی داواکاری ئاشتی" ئەنجامداوە.

ترەمپ داواکاری زێلێنسکی بۆ وەرگرتنی مووشەکەکانی کروزی دوورهاوێژ ڕەتکردووەتەوە وتویەتی: لە ئێستادا، پێشینەی کارەکانی دیپلۆماسییەتە و پێدانی ئەو مووشەکانە بە ئۆکراینا دەبێتە هۆی لاوازکردنی هەوڵەکانی ئاشتی. ئەمەش وایکردووە سەرۆکی ئۆکراینا بە نائومێدی لە واشنتن بگەڕێتەوە.