بارزانى‌و سودانى باسى چییان كرد؟

حکوومەتی هەرێم رایگەیاند، سودانی‌و مەسرور بارزانی کۆبوونەوەو جەخت لەگرنگیی دابینکردنی مووچەو شایستە داراییەکانی هەرێمی کوردستان کرایەوە.

حکوومەتی هەرێمی کوردستان ڕاگەیەندراوێکى بڵاوكردووه‌ته‌وه‌و ده‌ڵێت، "مەسرور بارزانی سەرۆکی حکومەتی هەرێم، لەشاری دهۆک لەگەڵ محەممەد شیاع سوودانی سەرۆک وەزیرانی عێراق کۆبووەوە".

ئه‌وه‌ش ڕوونكراوه‌ته‌وه‌، "لەکۆبوونەوەدا، هەردوولا پیرۆزبایی سەرکەوتنی پرۆسەو ئەنجامی هەڵبژاردنی په‌رله‌مانى عێراقیان لەیەکترکردو خوازیاربوون ببێتە هۆی دەستپێکردنی سەردەمێکی نوێ لەپێناو سەقامگیریی دۆخی عێراق‌و باشتربوونی دۆخی خزمەتگوازییە گشتییەکان لەعێراق".

ئەوەش هاتووە، "لەتەوەرێکی دیکەی گفتوگۆکاندا، جەخت لەگرنگیی دابینکردنی مووچەو شایستە داراییەکانی هەرێم کرایەوە، لەمبارەیەوە سەرۆک وەزیرانی فیدراڵ، دووپاتیکردەوە، مووچەکانی هەرێم بۆ ئەمساڵ بەپێی ڕێککەوتنەکان دەدرێت‌و بۆ بودجەی ساڵی داهاتووش، هەرێمی کوردستان، بەشەبودجەی خۆی لەچوارچێوەی بودجەی گشتیی فیدراڵ دەبێت".