سبه‌ینێ مه‌زڵوم عه‌بدى‌و ئیلهام ئه‌حمه‌د دێنه‌ هه‌رێمى كوردستان

به‌گوێره‌ى ئه‌و زانیاریانه‌ى تایبه‌ت ده‌ست ئیراده‌ كه‌وتوون، سبه‌ینێ ژه‌نراڵ مه‌زڵوم عه‌بدى‌و ئیلهام ئه‌حمه‌د به‌سه‌ردانێكى فه‌رمى ده‌گه‌نه‌ هه‌رێمى كوردستان.

سه‌رچاوه‌یه‌كى ئاگادار به‌ئیراده‌ى ڕاگه‌یاند، له‌سه‌ر بانگهێشتى فه‌رمیى مه‌سرور بارزانى سه‌رۆك وه‌زیرانى هه‌رێم، هه‌ریه‌ك له‌ژه‌نراڵ مه‌زڵوم عه‌بدى فه‌رمانده‌ى گشتیى هێزه‌كانى سوریاى دیموكرات (هه‌سه‌ده‌)و ئیلهام ئه‌حمه‌د هاوسەرۆکی فەرمانگەی پەیوەندییەکانی دەرەوەی ئیدارەی خۆبەڕێوەبەریی دیموکراتیی هەرێمی باکوورو ڕۆژهەڵاتی سووریا ده‌گه‌نه‌ هه‌رێمى كوردستان.

سه‌رچاوه‌كه‌ى ئیراده‌ ئاشكراشیكرد، "بانگهێشتى مه‌زڵوم عه‌بدى‌و ئیلهام ئه‌حمه‌د، به‌مه‌به‌ستى به‌شداریكردنیانه‌ له‌كۆڕبه‌ندى مێپس له‌شارى دهۆك".

پێشنیوەڕۆی ئەمڕۆ سێشەممە بەئامادەبوونی 150 سەرکردەی، ناوخۆیی، هەرێمی‌و نێودەوڵەتی لە25 وڵاتی جیاواز، شەشەمین کۆڕبەندی ئاشتی‌و ئاسایشی ڕۆژهەڵاتی ناوەڕاست (مێپس) لەزانکۆی ئەمریکی دهۆک دەستیپێکرد.