پارتی هه‌ڕه‌شه‌ ده‌كات‌و ده‌ڵێت: دەستوەردان‌و گۆڕینی ئەنجامەکانی هەڵبژاردن قبوڵناكه‌ین

مەكتەبی سیاسیی پارتی دیموكراتی كوردستان له‌نامه‌یه‌كى هه‌ڕه‌شه‌ ئامێزدا ده‌ڵێت، "دەستوەردان‌و گۆڕینی ئەنجامەکانی هەڵبژاردن قبوڵناكه‌ین".

له‌و نامه‌یه‌دا كه‌ كه‌مێك له‌مه‌وبه‌ر بڵاویكردوه‌ته‌وه‌، مەكتەبی سیاسیی پارتی نوسیویه‌تى، "هەروەكو ئاگادارن پرۆسەی هەڵبژاردنی خولی شەشەمی په‌رله‌مانى عێراق لەكەشوهەوایەكی دیموكراسیانەو ئازادانەو بەڕێكوپێكی‌و شەفافانە ئەنجامدراو لیست‌و قەوارە سیاسییەكان‌و کاندیدی كۆتاكان بەگوێرەی یاسا بەركارەكان‌و ڕێنماییەكان بەشدارییان كردو كۆمسیۆنی باڵای هەڵبژاردنەکانیش دوای ئەنجامدانی ڕێكارە یاساییەكان ئەنجامی كۆتایی بەشێوەیەكی فەرمی ڕاگەیاند".

هۆشداریده‌دات‌و ده‌ڵێت، "ئێستاش لێرەو لەوێ گوێبیست دەبین كە هەوڵێك هەیە بۆ دەستوەردان لەئاكامی هەڵبژاردن، بەتایبەتی كۆتاكان‌و گۆڕینی ئاكام‌و ئەنجامەکان!".

له‌و ڕووه‌شه‌وه‌ هۆشداریده‌دات‌و ده‌ڵێت، "ئێمە لەمەكتەبی سیاسی پارتی دیموكراتی كوردستان ڕایدەگەیەنین کە بەهیچ شێوەیەك دەستوەردان‌و گۆڕینی ئاكامەكانی هەڵبژاردن بەگشتی‌و كۆتاكان بەتایبەتی قبوڵكراو نییەو بەهێڵی سووری دادەنێین".

جه‌ختیشده‌كاته‌وه‌، "لەئەگەری دەستوەردان‌و گۆڕانكاریی لەئەنجامە ڕاگەیاندراوەکان لەلایەن كۆمسیۆنی هەڵبژاردنەکان هەڵوێستی سیاسی جدیمان دەبێت".