جەنگ نرخی زێڕی بەرزكردەوە و نەوتی دابەزاند

لەگەڵ پێشهاتە بەردەوامەكاندا،نرخی نەوت و زێڕ بەردەوام لە گۆڕاندان ئەمجارەش راگەیاندنی ئاگربەستی دوو هەفتەیی و وەستانی شەڕ لەلایەن ئێران و ئەمریكا و ئیسرائیلەوە، كاریگەری بەرچاوی لەسەر نرخی زێڕ و نەوت بەجێهێشت.

لە ماوەی 40 رۆژی جەنگی ئێراندا، بەهۆی داخرانی گەرووی  هورمز، نرخی نەوت بەرزبوونەوەی بەرچاوی بەخۆیەوە بینیبوو ،ئەمەش ببوە هۆكار بۆ ئەوەی نیگەرانی زۆر سەرهەڵبدات لە بەرزبوونەوەی هەڵاوسان و زیانی زۆری لە نرخی زێڕ دا.

هەر بۆیە ئەمڕۆ لەگەڵ راگەیاندنی ئاگربەست، نرخی زێڕ چوار هەزار و 800  دۆلاری  تێپەڕاندوو و گەیشتە بەرزترین ئاستی سێ هەفتەی رابردووی خۆی.

هاوكات نرخی نەوتیش بەشێوەیەكی بەرچاو دابەزینی بەخۆیەوە بینی، نرخەی سەدا 15 دابەزی و گەیشتە 94 دۆلار بۆ هەر بەرمیلێك ،لە كاتێكدا رۆژی سێ‌ شەممە بە 110 دۆلار مامەڵەی پێوەدەكرا.

 دۆناڵد ترەمپ سەرۆكی ئەمریكا لە پۆستێكی نوێیدا لە ترووس سۆشیاڵ نوسیوێتی،رۆژێكی گەورەیە بۆ ئاشتی و كاری باش دەكرێت ،دەشلێت، ئەمریكا یارمەتیدەر دەبێت لە كارئاسانی بۆ هاتووچۆی كەشتییەكان.