کاردانەوە ناوخۆیی و دەرەکییەکان دوای پەیامەکەی ئۆ*جەلان

دوای گەڕانەوەیان لە ئیمراڵی و لە كۆنگرەیەكی ڕۆژنامەوانیدا، شاندی دەمپارتی بانگەوازەكەی ئۆجەلانیان خوێندەوە كە داوا دەكات پەكەكە چەك دابنێت  زمانی ئاشتی و گفتوگۆ پێشبخرێت.

لە كۆنگرەیەكی ڕۆژنامەوانیدا شاندەكەی دەمپارتی كە سەردانی ئیمراڵییان كردوە، بانگەوازی مێژویی عە*بدوڵا ئۆ'جە-لان كە لە سێ پەڕە پێكهاتوە لەلایەن ئەحمەد تورك بە كوردی خوێنرایەوە، تیایدا هاتووە: داوا دەكات كە زمانی ئاشتی و گفتوگۆ پێشبخرێت و هەروەك داوی لە پارتی كرێكارانی كوردستان كردوە چەك دابنێن.

وتوشیەتی: پە*كە-كە لە سەدەی بیستەمدا و لە دۆخێكی سەختدا دروسبوە لە ئەو كاتەدا كە كورد بون لە توركیا رەتی دەكرایەوە، بۆیە ئەوەی پە*كە*كە بەدەستی هێناوە لەبەهێزبونی خۆیەوە بووە.

لە بانگەوازەكەیدا ئۆ*جە*لان، ئاماژەی بۆ ئەوەشكردوە، پە*كە*كە كۆنگرەی خۆی ببەستێت و بڕیاری خۆی بدات، هەورەك داواشی كردوە كە پارتی كرێكارانی كوردستان خۆی هەڵبوەشێنێتەوە لەبەر ئەوەی بەرپرسیارێتی مێژویی هەڵوەشاندنەوەی لەئەستۆ دەگرێت.

دوای پەیامەکەی ئەم ئێوارەی 27ی شوباتی 2025ی ئۆجە*ڵان، مەسعود بارزانی دەڵێت، لەبارەی پڕۆسەی ئاشتی و چارەسەری لە تورکیا، جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیوانی پڕۆسەی ئاشتی لە تورکیاین و ئاشتی بە تاکە ڕێگەی دروست بۆ چارەسەرکردنی کێشەکان دەزانین.

دەشڵێت، هیوادارین پەیامەکەی بەڕێز ئۆ*جەلان دەستپێکێک بێت بۆ ئەوەی پڕۆسەی ئاشتی ڕێی خۆی بگرێت و، بگاتە ئەنجامێکی وا کە لە بەرژەوەندیی هەموو لایەک بێت.

هاوکات، لەبارەی پەیامەکە، نێچیرڤان بارزانی، سەرۆکی هەرێم و جێگری سەرۆکی پارتی ڕایگەیاند، بە گه‌رمى پێشوازی له‌ په‌يامى به‌ڕێز ئۆ*جە-لان و بانگه‌وازه‌كه‌ى بۆ چه‌كدانان و خۆهه‌ڵوه‌شاندنه‌وه‌ى په‌كه‌كه‌ ده‌كه‌ين، داواكارين په‌كه‌كه‌ پابه‌ند و گوێڕايه‌ڵى په‌يامه‌كه‌ بێت و جێبه‌جێى بكات، هيوادارين ئه‌م بانگه‌وازه‌ زه‌مينه‌خۆشكه‌ر بێت بۆ به‌ديهاتنى ئاشتى و چاره‌سه‌رى ئاشتييانه‌، بێگومان سه‌رده‌مى خه‌باتى ئاشتى و مه‌ده‌نى و ديموكراسييه‌‌ و له‌و ڕێگه‌يه‌وه‌ ئه‌نجام و ده‌ستكه‌وتى باشتر دێنه‌ دى، نه‌ك به‌ چه‌ك و توندوتيژى.

دەشڵێت ئێمە له‌ هه‌رێمى كوردستان پشتيوانيى ته‌واو له‌ پرۆسه‌ى ئاشتى ده‌كه‌ين و هه‌رچى بكه‌وێته‌ سه‌رشانمان بۆ سه‌رخستنى پرۆسه‌كه‌، ئاماده‌ين ڕۆڵى يارمه‌تيدان و هاريكاريى بگێڕين، هه‌روه‌ها به‌ ڕێز و پێزانينه‌وه‌ له‌ ڕۆڵى  ئه‌ردۆغان و ده‌سه‌ڵاتى ئاك پارتى ده‌ڕوانين كه‌ هه‌ر له‌ سه‌ره‌تاى ده‌سه‌ڵاته‌وه‌ به‌ بير و بڕوا و ڕوانگه‌يه‌كى ڕوونه‌وه‌ زه‌مينه‌سازى و كاريان بۆ ئاشتى كرد.

هيوادارين قۆناغى داهاتوو، قۆناغى سه‌ركه‌وتنى ئاشتى و چاره‌سه‌رى بێت و ئارامى و سه‌قامگيرى باڵ به‌سه‌ر وڵاته‌كه‌ و ته‌واوى ناوچه‌كه‌دا بكێشێت

نێچیرڤان بارزانی دەڵێت هيوادارين قۆناغى داهاتوو بە بەشداری و هاودەنگیی لایەنەکانی دیکەش له‌ توركيا، قۆناغى سه‌ركه‌وتنى ئاشتى و چاره‌سه‌رى بێت و ئارامى و سه‌قامگيرى باڵ به‌سه‌ر وڵاته‌كه‌ و ته‌واوى ناوچه‌كه‌دا بكێشێت.

هاوکات، قوباد تاڵەبانی جێگری سەرۆکی حکومەتی هەرێم دەڵێت، کورد هەمیشە گەلێکی ئاشتیخواز بووە و بزووتنەوە کوردییەکان وەک دوا رێگەچارە و بە ناچاری، بۆ پاراستنی مان و داکۆکی لە مافە بنەڕەتییەکان پەنایان بردوەتەبەر بە چەک. 

ئەمڕۆ بەڕێز، ئۆ*جە*لان جارێکی دیکە دەرگای بەڕووی ئاشتی و چارەسەری ئاشتییانە و دیموکراسییەکانی پرسی کورد لە تورکیادا کردەوە و هاوکات دەستپێکی قۆناغێکی نوێی تێکۆشانی سیاسی بۆ کورد لە تورکیا راگەیاند. هیوادارین و گەشبینین ئەمجارەیان پرۆسەکە بە ئەنجامێکی دڵخواز بۆ هەردوو گەلی کورد و تورک کۆتایی بێت و پێکەوە بناغەی پێکەوەژیانێکی راستەقینە بونیادبنێن.

ئەرکی هەموو لایەکمانە پێشوازی لە پەیامەکەی  ئۆ*جە*لان بکەین و لە هەر چەشنە هاوکاری و پشتیوانییەک بۆ سەرخستنی پرۆسەکە درێخی نەکەین.

بافڵ تاڵەبانی، سەرۆکی یەکێتی نیشتمانی کوردستان دوای پەیامەکەی ئیمراڵی ڕایگەیاندووە، پێشوازی لە پەیامەکەی بەڕێز عە*بدوڵا ئۆ*جەلان دەکەین، پێمانوایە پەیامێکی بەرپرسیارانە و پێویستی ئەم قۆناغەیە بۆ یەکخستنی ریزەکانی کوردایەتی و چارەسەرکردنی ئاشتییانەی کێشەکان لەسەر بنەمای هاوبەشێتی و پێکەوەیی بۆ بنیادنانی داهاتوویەکی پرشنگدار و ئارامتر بۆ گەلەکەمان. 

سەرۆکی یەکێتی دەڵێت: یەکێتی نیشتمانیی کوردستان ئەم پەیامە بە سەرەتا و قۆناغێکی گرنگ دەزانێت و وەک ئەرکێکی نەتەوەیی بەرپرسیار پشتیوانی ئەم پەیامە و سەرخستنی هەر هەنگاو و پرۆژەیەکە کە گیانی پێکەوەیی و برایەتی لەنێوان کورد و تورک دەباتە پێشەوە. 

بافڵ تاڵەبانی: هیوادارین هەموولایەکمان بەدەم ئەم پەیامەوە بچین و هەنگاوی کرداریی بنێین بۆ گەیشتن بە ئاشتی سەرتاسەری و ئەم دەرفەتە مێژووییە لەدەستنەدەین

هیوادارین هەموولایەکمان بەدەم ئەم پەیامەوە بچین و هەنگاوی کرداریی بنێین بۆ گەیشتن بە ئاشتی سەرتاسەری و ئەم دەرفەتە مێژووییە لەدەستنەدەین کە سەرۆک مام جەلال بەردی بناغەکەی لە ساڵی 1993ـەوە داناوە ،بافڵ تاڵەبانی وادەڵێت.

هەروەها دەشڵێت، وەک وتووشمانە ئێمە پشتیوانی خوشک و براکانمانین لە هەر چوار پارچەی کوردستان. 

 هەرێمی کوردستان ، هەمیشە فاکتەرێکی گرنگیی ئاشتی و تەناهی بووە

مەسرور بارزانی، سەرۆکی حکومەتی هەرێمی کوردستان ڕایگەیاندووە، پێشوازیی و پشتگیریی لە هەر هەولێکی چارەسەری ئاشتیانەی کێشەکانی ناوچەکە دەکەم . 

باسی لەوەشکردووە، هەرێمی کوردستان ، هەمیشە فاکتەرێکی گرنگیی ئاشتی و تەناهی بووە لە ناوچەکەدا و لەم ڕووەوە، ئامادەیی خۆمان بۆ هەر هاریکاریی و ڕۆڵێک لە سەرخستنی پرۆسەی ئاشتی لە تورکیا دەردەبڕین .

سەڵاحەدین بەهادینی ئەمینداری یەکگرتووی ئیسلامی کوردستانیش  پشتیوانی خۆی بۆ پەیامەکەی ئۆ*جەلان ڕاگەیاند و دەڵێت، بەرێزەوە ئەمڕۆ گەلی کوردستان پێشوازی کرد لەپەیامە مێژوویەکەی بەرێز عبدالله ئۆجەلان، پەیامی ئاشتی و هەنگاوی یەکەم بۆ چارەسەری کێشەیەکی زیاتر لەچل ساڵ لە جەنگ و خوێن، پەیامێکی پڕ لە بەرپرسیاریەتی و بایەخ و واقعیەت، هیوادارم لایەنە پەیوەندیدارەکان لە ئاستی بەرپرسیارییەتی نەتەوەیی و ئەخلاقی و پەیمانی خۆیاندابن.

داواکارم لە خوای دلۆڤان لەم وەرزی هاتنی رەمەزانەدا کۆتایی بە جەنگ و ئاوارەیی و نەفەسی شۆڤێنی لەسەر گەلەکەمان بێت

دەشڵێت، داواکارم لە خوای دلۆڤان لەم وەرزی هاتنی رەمەزانەدا کۆتایی بە جەنگ و ئاوارەیی و نەفەسی شۆڤێنی لەسەر گەلەکەمان بێت، سەرەتای گەڕانەوەی برایەتی و پێکەوە ژیان و ئاشتەوایی و ماف و داد و سەقامگیری بێت و سڵاو بۆ دەستپێشخەران و پشتیوانانی ئەم پرۆسە گرنگە.

ساڵح موسلیم ئەندامی دەستەی سەرۆكایەتی پارتی یەكێتی دیموكرات "پەیەدە" لەبارەی بانگەوازەكەی ئۆ*جەلا*نەوە هەڵوێستی ڕۆژئاوای كوردستانی ئاشكراكرد.

ئەنتۆنیۆ گۆتێرێس سكرتێری گشتی نەتەوەیەكگرتووەكان "بە تیشكی هیوا ناوی پەیامەکە  دەبات بۆ كۆتایی هێنان بە ململانێیەكی درێژخایەن".

ئەردۆغان و هاکان فیدانیش چوونەتە ئیمراڵی

 محەممەد ئەمین پێنجوێنی، سیاسەتمەداری کورد،دەڵێت،  ئەردۆغان كە دەیەوێت خەلافەتی عوسمانی دروستبكاتەوە وایلێهاتووە خۆی بچێتە ئیمراڵی بۆ لای ئۆجـ،ەلان و هاکان فیدانیشی لەگەڵ خۆیدا بردووە.

ئەم پەیامە لە بۆشاییەوە نەهاتووە

هاوکات، فایەق بوڵوت، توێژەری سیاسی لەگفتوگۆیەكدا لەگەڵ"سكای نیوز" دەڵێت " ئەم پەیامە لە بۆشاییەوە نەهاتووە، بەڵكو ئەنجامی گۆڕانكاری ناوخۆیی و دەرەكییە كە وایكردووە هەردوولا چاو بە هەڵوێستەكانیاندا بخشێننەوە".

بەوتەی بوڵوت "گفتوگۆكانی نێوان كورد و حكومەتی توركیا ئەمڕۆ دەستیپێنەكردووە، بەڵكو دەگەڕێتەوە بۆ نزیكەی دووساڵ لەمەوبەر، بەرپرسانی توركیا لەپشتی دەرگا داخراوەكانەوە گفتوگۆیان لەسەر ئەم پرسە كردووە، بەڵكو هێزە كوردییەكان لە ئەوروپا و قەندیل و هەرێمی كوردستان دركیان بەوەكردووە پێویستە كۆتایی بەو ململانێیە بهێنرێت".

ئەنجوومەنی سووریای دیموكرات "مەسەدە" ئامادەیە گفتوگۆ لەگەڵ توركیا بكات

ساڵح موسلیم دەڵێت "دوای پەیامەكەی ئۆ*جە*لان، ئەنجوومەنی سووریای دیموكرات "مەسەدە" ئامادەیە گفتوگۆ لەگەڵ توركیا بكات لەپێناو هێنانەدی ئاشتیدا".

ئاماژەی بەوەشكرد، هاوڕان لەگەڵ پەیامەكەی ئۆجە*لان و پێویستیان بە چەك نابێت ئەگەر ڕێگای كاری سیاسییان پێ بدرێت، هەر كاتێك هۆكارەكانی چەك هەڵگرتن نەمێنن، چەكەكانیش بونیان نابێت.

 پەیامەكەی ئۆ*جە*لان بۆ  ئێمە نەبوو

مەزڵوم عەبدی، فەرماندەی هێزەکانی سوریای دیموکرات ڕایگەیاند: پەیامەكەی  ئۆ*جە*لان، تەنها پەیوەندی بە پارتی کرێکارانی کوردستانەوە هەیە و هیچ پەیوەندییەکی بە (هەسەدە)وە نییە، بۆیە ئەگەر ئاشتی لە توركیا بەدیهات، هیچ پاساوێك بۆ سوپای توركیا نامێنتەوە هێرش بكاتە سەر سوریا.
 
وتیشی: بانگەوازەكەی ئۆ*جەلان، ئەرێنییە، چونکە داوای کۆتاییهێنان بەجەنگ و دەستپێکردنی پرۆسەیەکی سیاسی ئاشتیانە لەناو تورکیادا دەکات.
 
فەرماندەی هێزەکانی سوریای دیموکرات ئاماژەی بۆ ئەوەشكرد، پێشوازی لە بانگەوازەكەی ئۆ*جە.لان دەكەن.

ساڵانی زووش چەند جارێک بە هەردووک لایەنی تورک و کوردمان وتووە: پێویستە بیر لە چارەسەری ئاشتییانە بکرێتەوە

عەلی باپیر، ئەمیری کۆمەڵی دادگەری لەسەر پەیامەکەی ئیمراڵی ڕایگەیاندووە، بەو پەیامەى بەڕێز ئۆ*جە*لان - کە دەبوایە زووتر  بووایە- دڵخۆش بووم، و ساڵانی زووش چەند جارێک بە هەردووک لایەنی تورک و کوردمان گوتووە: پێویستە بیر لە چارەسەری ئاشتییانە بکرێتەوە.

دەشڵێت، هیواداریشم هەردووک لا بە کردەوە بە دەم ئەو بانگەواز و پیشنیارە بچن و پەند و عیبرەت لە ڕابردوو وەربگرن

ئاكپارتی: چاوەڕێی وەڵامی پەكە*كەین

لەلایەکی دیکەوە پارتی داد و گەشەپێدان "ئاكپارتی"ی دەسەڵاتدار، وەڵامی پەیامەكەی عە*بدوڵا ئۆ*جەلان، ڕێبەری زیندانیكراوی پە*كە*كەی دایەوە و ڕایگەیاندووە، چاوەڕێی ئەنجام دەكەن.

ئەفكان ئالا، جێگری سەرۆكی گشتی ئاكپارتی ئاماژەی بەوەكردووە، كرۆكی بانگەوازەكەی ئۆ*جەلان بۆ چەكدانان و خۆهەڵوەشاندنەوەی پەكەكەیە و چاوەڕێی ئەنجام دەكەن.

ئاماژەی بەوەشکردووە، ئەگەر قەندیل پەیامە*کەی ئۆ*جەلان  پشتگوێ بخان ڕووبەڕوویان دەبینەوە، پەیامەکەی ئاکپارتی لەکاتێکدایە تورکیا بەردەوام  بەڕێگەی  زەمینی و ئاسمانی پەلاماری هێزەکانی قەندیل دەدات و ئەمڕۆش لەکاتی خوێندنەوەی  پەیامەکەدا، تورکیا بۆردومانی سنوری بادینانی کرد.

ئۆ.جە*لان، لەپەیامەکەیدا ئاماژەی بۆ ئەوەكردوە، پە*كە*كە، كۆنگرەی خۆی ببەستێت و بڕیاری خۆی بدات، هەورەك داواشی كردوە كە پارتی كرێكارانی كوردستان خۆی هەڵبوەشێنێتەوە لەبەر ئەوەی بەرپرسیارێتی مێژویی هەڵوەشاندنەوەی لەئەستۆ دەگرێت.

دەقی پەیامەكەی عە*بدوڵا ئۆ*جەلان
بانگەواز بۆ ئاشتیی و کۆمەڵگەیەکی دیموکراسیی

پە*کە*کە؛ لە سەدەی بیستەم دامەزراوە، توندوتیژترین سەدەی مێژوە، ئەو ژینگەیەی کە پەکەکەی تێیدا دروست بو، دو شەڕی جیهانی، ڕەیال سۆسیالیزم و سەردەمی شەڕی سارد بو لە جیهاندا، لەو زەمینەیەدا نکۆڵیکردن لە واقیعی کورد و قەدەغەکردنی ئازادییەکان و بەتایبەت ئازادیی بیرکردنەوە لە ئارادابو.
 
لەڕوی تیۆریی و بەرنامە و ستراتیژ و تاکتیکەوە، سیستەمی سۆسیالیستی ڕاستەقینەی سەدە کاریگەری لەسەر ئەو دروستبونە هەبوە، لە ساڵانی نەوەدەکاندا بەهۆی پاڵنەرە ناوخۆییەکان و داڕمانی ڕیال سۆسیالیزم و تێکچونی نکۆڵی لە شوناس لە وڵاتدا و پەرەسەندنی ئازادی بیروڕا، بوە هۆکاری ئەوەی پەکەکە واتای خۆی لەدەستدا و خۆی دوبارە بکاتەوە، بۆیە ئەویش وەک ئەوانی تر کۆتایی تەمەنی هاتوە و پێویستی بە هەڵوەشاندنەوەی هەیە.
 
پەیوەندی نێوان کورد و تورک؛ به درێژایی زیاتر له هەزار ساڵی مێژودا، تورک و کورد بۆ بەردەوامیدان بە هەبونی خۆیان و لە دژی هێزە هەژمونگەران بمێننەوە، هەمیشە به پێویستیان زانیوه به دڵخوازیی و بە هاوپەیمانیی بمێننەوە.
 
دو سەد ساڵی ڕابردوی مۆدێرنیتەی سەرمایەداری ئامانجی تێکدانی ئەم هاوپەیمانییە بوە، ئەو هێزانەی کە کاریگەرییان لەسەر بوە، لەگەڵ بناغەی چینی، خزمەتکردنی ئەوەیان کردوەتە بنەما، ئەم قۆناغە بە لێکدانەوەی یەک ڕەنگیی کۆمارەوە خێراتر بوە، ئەرکی سەرەکی ڕێکخستنەوەی ئەو پەیوەندییە مێژوییە کە ئەمڕۆ تێکچوە، بە ڕۆحی برایەتی و یەکێتی، بەبێ ئەوەی بیروباوەڕەکانمان پشتگوێ بخەین، سەرلەنوێ ڕێکی بخەینەوە.
 
ناتوانین لە ڕاستینەی پێویستی کۆمەڵگایەکی دیموکراسی هەڵبێین، پەکەکە درێژترین و بەرفراوانترین بزوتنەوەی یاخیگەرانە و توندوتیژانەیە لە مێژوی کۆماردا، بەهۆی ئەوەی ڕێگای سیاسەتی دیموکراسی داخرابو، پەکەکە بەهێزتربو و پشتیوانی پەیدا کرد.
 
دەوڵەت نەتەوە جیاوازەکان، فیدراسیۆن، خۆبەڕێوەبەریی ئیداری و چارەسەری کەلتوری، کە دەرەنجامی پێویستی نەتەوەپەرستی توندڕەوە، ناتوانن وەڵامی سۆسیۆلۆژیای کۆمەڵگەی مێژویی بدەنەوە.
 
ڕێزگرتن لە ناسنامە، ئازادی بیروڕا، ڕێکخستنی دیموکراسیی، دروستکردنی کۆمەڵگای ئابوری و سیاسی هەمو پێکهاتەکان، تەنیا بە هەبونی کۆمەڵگەیەکی دیموکراتی و فەزایەکی سیاسی بونیاد دەنرێت.
 
سەدەی دوەمی کۆمار تەنیا بە تاجدارکردنی دیموکراسی دەبێتە خاوەن یەکێتی و بەردەوامیی هەمیشەیی، جگە لە دیموکراسی هیچ ڕێگایەکی تر نییە بۆ گەڕان بەدوای سیستمێک و جێبەجێکردنیدا، کۆدەنگی دیموکراتی میتۆدی بنەڕەتییە.
 
دەبێت زمانی سەردەمی ئاشتی و کۆمەڵگەی دیموکراتیش بەگوێرەی ئەو راستییە پەرەی پێبدرێت.
 
ئەو بانگەوازەی بەڕێز دەوڵەت باخچەلی کردی، ئەو ئیرادەیەی بەڕێز سەرۆک کۆمار نیشانی داو هەڵوێستە ئەرێنییەکانی لایەنەکانی دیکە، ئەم پرۆسەیەیان خوڵقاندوە و منیش لەم پرۆسەیەدا داوای داماڵینی چەک دەکەم و بەرپرسیارێتی مێژویی ئەم بانگەوازەش لە ئەستۆ دەگرم.
 
هەروەک چۆن هەمو کۆمەڵگا و پارتێکی هاوچەرخ کە بونی خۆی بە زۆر کۆتایی پێ نەهاتوە، ئێوەش بە دڵخوازی کۆنگرەی خۆتان ئەنجامبدەن و بڕیاربدەن؛ پێویستە هەمو گروپەکان چەکەکانیان دابنێن و پەکەکە خۆی هەڵوەشێنێتەوە.
 
سڵاوی خۆم بۆ هەمو ئەو کەسانە دەنێرم کە باوەڕیان بە پێکەوەژیان هەیە و گوێ لە بانگەوازەکەم دەگرن.
 
عە*بدوڵا ئۆجە*لان27ی شوباتی 2025