×

2024-07-10 181 جار خوێنراوەتەوە

خۆپیشاندانی هاوڵاتیانی گوندی گوهەزرێ لە قەزای ئامێدی بە هاوەنباران وەڵام درایەوە

ناوەندی هەواڵ

دوای هێرش و داگیرکاریەکانی تورکیا بۆ سەریان، ئەمڕۆ هاوڵاتیانی گوندەکانی دەوروبەری قەزای ئامێدی هاتنە سەرشەقام و ڕێگاکانیان داخست.

ئەمڕۆ چوارشەممە 10-7-2024، هاوڵاتیانی گوندەکانی (گوهەزرێ و چەند گوندێکی دیکە ) لە دەڤەری قەزای ئامێدی هاتنە سەر شەقام و رێگاى هاتوچۆى نێوان دەڤەرەکانی قەزای ئامێدییان داخست و بە هۆی بەردەوامی بۆردوومان و ترس و دڵە ڕاوکێی شەڕی تورکیا لە سەریان، داوایانکرد هەرچی زووە لایەنی پەیوەندیدار بگاتە ناوچەکە و بۆردوومانی تورکیا بوەستێنێت لە سەریان.

دوابەدوای خۆپیشاندانەکەش نیوەڕۆی ئەمڕۆ لە لایەن دەوڵەتی تورکیای داگیرکەرەوە بە هاوەن ناوچەکە بۆردوومان کرایەوە و هاوەنێک لە ناوەڕاستی گوندەکە کەوتە خوارەوە کە پێدەچێت لەوەڵامی ناڕەزای هاوڵاتیانی گوندەکە بێت .

ئەحمەد گوهەزرێ موختاری گوندەکە سەبارەت بە هەڕەشە و بۆردوومانەکان بۆ سەریان وتی: هاوڵاتیانی گوندەکە و دەوروبەریان توڕە و بێزار بوون لە دڵە ڕاوکێ و دەربەدەری، بە هۆی هێرش و بۆردوومانەکانی تورکیاوە، هەربۆیە بەناچاری ڕێگەکانمان بە ڕووی هاوتوچۆدا داخستووە تا ئەو کاتەی لایەنی پەیوەندیدار چارەسەری دۆخەکە دەکات و بۆمبارانی سەر گوندەکە دەوەستێنن. 

ساڵانێکە دەوڵەتی داگیرکەری تورکیا هێرشی زەمینی و ئاسمانی دەکاتە سەر هەرێمی کوردستان و نیەتی داگیرکردنی هەیە، دەڤەرەکانی بادینان و ئامێدی و خوکورک و گارە و قەندیل بە هەموو گوند و ناوچەکانیەوە بە چڕی کەوتونەتە ژێر بۆمباران و چەکی قەدەغە کراوی تورکیاوە، بەوهۆیەشەوە تا ئێستا بە دەیان هاوڵاتی مەدەنی شەهید و بریندار بوون، ئەوە جیا لە جۆڵکردنی دەیان گوندی ناوچەکە لە هاوڵاتیان و کۆچپێکردنیان بۆ ناوچەکانی دیکەی کوردستان و سوتاندنی ڕەز و باخەکانیان  .



  • سوپای تورکیا ئۆپەراسیۆنە نوێیەکەی لە ئاسمانەوە بۆ قەزای چۆمان درێژکردۆتەوە

  • مانگێك بۆ قەرەبووی خوێندن لە سنووری سلێمانی دیاریكرا

  • بەرپرسێکى یەکێتى: شەش ساڵى دیکە مەترسیەکى گەورە ڕوبەڕووى کەرکوک دەبێتەوە

  • مەزڵوم عەبدی: ئامادەین بۆ گفتوگۆ و بۆ بەرخۆدان

  • ئەنەکەسە ڕاهێنان بە گەنجانی کوردو عەرەب دەکات و دەیانکات بە سیخوڕی تورکیا

  • ڕۆژنامەی سەباح: پەرلەمان گەمارۆکانى سەر فڕۆکەخانەى سلێمانی تاوتوێ دەکات

  • ڕۆژئاوای کوردستان لەبارەی لەشکرکێشییەکانی تورکیا هۆشداری دەداتە دەسەڵاتدارانی هەرێم و عێراق

  • کورد و عه‌ره‌ب لە كه‌ركوک پێداگری له‌سه‌ر وه‌رگرتنی پۆستی پارێزگار ده‌كه‌ن

  • ئاسایش دەستگیرکردنی 21 تیرۆریستی لە سلێمانی ڕاگەیاند

سەرەکی