سەرۆککۆماری ئێران گەیشتە سلێمانی

ناوەندی هەواڵ

سەرۆککۆماری ئێران لە رێگەی فڕۆکەخانەی نێودەوڵەتی سلێمانیەوە گه‌یشته‌ شارى سلێمانى ‌و له‌لایه‌ن سەرۆکى یەکێتى نیشتیمانى کوردستان وه‌فدێكى باڵاىى حزبەکه‌ پێشوازیی لێكرا.

ئەمڕۆ پێنجشەممە 12-9-2024، مەسعود پزیشکیان سەرۆککۆماری ئێران لە رێگەی فڕۆکەخانەی نێودەوڵەتی سلێمانییەوە گەیشتە سلێمانى و هەرێمی کوردستان و لەلایەن بافڵ جەلال تاڵەبانى پێشوازی لێکر و بڕیارە پاش کەمێکى دیکە بچێتە سەر مەزارى جەلال تاڵەبانى، سەرۆککۆمارى پێشووترى عێراق.

هەر بەگوێرەى کارنامەکە، پزیشکیان، لە سلێمانى لەگەڵ بەرپرسانى باڵاى حکومى لە سلێمانى و دواتر لەگەڵ بافڵ جەلال تاڵەبانى، سەرۆکى یەکێتیی نیشتمانیى کوردستان کۆدەبێتەوە.

محه‌مه‌د مه‌حمودیان، سەركونسوڵی ئێران لە سلێمانى، لەبارەی سەردانی پزیشكیان بۆ سلێمانی رایگەیاند، هەرێمی كوردستان دوو ناوەندی هەیە، هەولێر و سلێمانی، پزیشكییان بە پێویستی زانیوە سەردانی سلێمانیش بكات.