دوابڕیار لە مووچە و تەمەنی خانەنشینی دەدرێت

شاندێکی خانەنشینانی هەرێمی کوردستان بۆ تاوتوێی هاوتاکردنی مووچەی خانەنشینان و جێیەجێکردنی بڕگەكانی دیكەی یاسای خانەنشینی یەکگرتووی عێراق  پرسی تەمەنی خانەنشینی و دەرماڵەی خانەنشینان لەبەغدان.

بەڕێوەبەرایەتی خانەنشینی گشتی هەرێم دەڵێت، "شاندێکی بەڕێوەبەرایەتییەکەیان چوون بۆ بەغدا بۆ چەند پرسێکی تایبەت بە مووچەی خانەنشینانی هەرێمی کوردستان.

بەپێی بە وتەی سەرچاوەك لەبەڕێوەبەرایەتی خانەنشینی هەرێم، پرسی هاوتاکردنی مووچەی خانەنشینان و جێبەجێکردنی یاسای ژمارە 9ی ساڵی 2014 و ڕێکخستنەوەی دەرماڵەی خانەنشینان، لەگەڵ تەمەنی خانەنشینان، کە لە عێراق 60 ساڵە و لە هەرێمی کوردستان 63 ساڵە، گفتوگۆی لەسەر دەکرێت”.

هاوکات، فەتحوڵا عومەر، جێگری بەڕێوەبەری خانەنشینانی پێشمەرگە بە میدیای یەکێتی وتووە، "لەو شاندەی خانەنشینانی هەرێم، نوێنەری خانەنشینانی پێشمەرگەی تێدا نییە، دەشڵێت تا ئێستا لەهەرێمی کوردستان تەمەنی خانەنشینی 63 ساڵە، بەڵام ئەگەر یاسای ژمارە 9ی 2014ی عێراق جێبەجێ بکرێت، لەدایکبووانی ساڵانی 1961 تاوەکو 1964 دەبێت خانەنشین بکرێن"

بەگوێرەی ڕێککەوتنی نێوان هەردوو وەزارەتی دارایی هەرێمی  و عێراق، دەبێت تا کۆتایی ئەمساڵ، لیستی مووچە و هاوتاکردنی مووچەی خانەنشینان یەکلایی بکرێتەوە”.

پێشتر، لەگەڵ مووچەی مانگی 7دا مووچەی خانەنشینانی شارستانی هاوتای عێراق كرا، بەڵام هێشتا بەشێكی زۆری یاسای خانەنشینی یەكگرتوو جێبەجێ‌ نەكراوە بەتایبەت لە بواری (خانەنشینی پێشمەرگە و ناوخۆ و تەمەنی خانەنشینی و پارەی ڕێزلێنانی كاتی خانەنشین بوون و دەرماڵ‌كانی كاتی خانەنشینی).