سودانی داوایەک لە عەلی باپیر دەکات

ناوەندی هەواڵ

سەرۆکوەزیرانی عێراق داوا لە سەرۆکی کۆمەڵی دادگەری دەکات چاو بە بڕیاری بایکۆتکردنی پەرلەماندا بخشێنێتەوە.

ئەمڕۆ محەمەد شیاع سوودانی لە شاری هەولێر سەردانی عەلی باپیری کرد و لە کۆبوونەوەیەکدا ڕەوشی هەرێمیان تاوتوێ کرد.

دوای کۆبوونەوەکە عەبدولستار مەجید، ئەندامی ئەنجوومەنی باڵای کۆمەڵی دادگەری، لە لێدوانێکی ڕۆژنامەوانیدا ڕایگەیاند، سوودانی داوای لە عەلی باپیر کردووە چاو بە بڕیاری بەشدارینەکردن لە پەرلەمانی کوردستان بخشێننەوە و پەشیمان ببنەوە. 

وتیشی: سوودانی داوای لێنەکردوون بەشداری لە پێکهێنانی حکومەتدا بکەن.

ئەمڕۆ محەمەد شیاع سوودانی سەرۆک وەزیرانی عێراق سەردانی هەولێری کرد و لەگەڵ بەرپرسانى هەرێم کۆبوە و بڕیارە ئێوارەى ئەمڕۆش بگاتە سلێمانى و لەگەڵ بافڵ جەلال تاڵەبانى سەرۆکى یەکێتى و چەند لایەنێكی سیاسیی دیکە کۆببنەوە.