هەسەدە ڕاگەیەنراوێکی بەپەلەی بڵاوکردەوە

ناوەندی هەواڵ

هەسەدە رەتیدەکاتەوە، دەستیان هەبوبێت لەو تەقینەوەیەی شەوی رابردو مەنبجی کردە ئامانج و ڕشیدەگەیەنێت تاوانکاری بەکرێگراوانی داگیرکەری تورکیا،لە کوشتن و تاڵانکردن و ترساندنی خەڵکی مەدەنی لەزیادبوندایە.

بەرەبەیانی ئەمڕۆ شەممە، هێزەکانی سوریای دیموکرات (هەسەدە)، ڕاگەیەنراوێکی بڵاوکردوە و تێیدا هاتووە،ئیدانەی ئەو بۆردومانە تیرۆریستییە دەکەین کە ئێوارەی دوێنێ لە شاری مەنبەج ڕوویدا، هەر تۆمەتێکیش بە تێوەگلانی هێزەکانمان لێی ڕەتدەکەینەوە.

هەسەدە دەشڵێت: بەکرێگراوانی داگیرکەری تورکیا، کردەوە تاوانکارییەکانیان لە کوشتن و تاڵانکردن و ترساندنی خەڵکی مەدەنی لەزیادبوندایە.

هەسەدە داواش لە دانیشتوانی منبج دەکات هاوکاریان بن لە دۆزینەوەی بکەرە ڕاستەقینەکانی تەقینەوەکە.

ئێوارەی دوێنێ، ئۆتۆمبێلێکی بۆمبڕێژکراو لە شارۆچکەی مەنبجـی سوریا تەقییەوە، دواتر ڕوانگەی سووری بۆ مافەکانی مرۆڤ،بڵاویکردەوە، تەقینەوەکە تەنیا زیانی ماددی هەبوە و هیچ زیانێکی گیانی لێنەکەوتووەتەوە.