ئیسرائیل هەڕەشەی هێرشێكی بەرفراوان لە عێراق دەکات

میلیشیلكانی عێراق لەترسی هەڕەشەكانی ئیسرائیل و ئەمریكا هێرشەكانیان بۆماوەیەکى کاتى راگرت، ئەندامێكی لیژنەی ئاسایش و بەرگری لە ئەنجوومەنى نوێنەرانى عێراق دەڵێت،  راگرتنی هێرشی گروپە چەكدارەكان بۆ سەر ئیسرائیل، هۆكارەكەی فشارەكانی حكومەتی و لایەنەكانی چوارچێوەی هەماهەنگی بووە، هاوشانی ئەو هەڕەشانەی لەلایەن لایەنە دەرەكییەكانەوە لە عێراق کراوە.

ئەسكەندەر وتوتوت ئەندامێكی لیژنەی ئاسایش و بەرگری لە ئەنجوومەنى نوێنەرانى عێراق بە رۆژنامەی العربی الجدیدى راگەیاندووە، عێراق هەڕەشەی لە ئیسرائیل و ویلایەتە یەكگرتووەكانەوە پێگەیشتووە، ئەو هەڕەشانەش هۆكاری سەرەكی راگرتنی هێرشی گروپە چەكدارەكان بوون.

وتیشى، روخانی ئەسەد هۆكارێكی بنەڕەتی بووە لە بڕیاری راگرتنی هێرشەكان، بەوپێیەی گروپەكان توانای ئەنجامدانی هێرشیان نەما لەناو خاكی سوریاوە، وەك ئەوەی پێشتر ئەنجامیاندەدا

وەک ئەو پەرلەمانتارە ئاماژەى پێکردووە، هێرشی گروپە چەكدارەكانی عێراق بەشێوەیەكی تەواوەتی راگیراوە نەك راگرتنێكی كاتی، بەتایبەت دوای ئەو گۆڕانكارییانەی لەناوچەكە رویداوە.