تورکیا بە چڕی بەنداوی تشرینى بۆردومانکرد

فڕۆکە جەنگییەکانی تورکیا لە بۆردومانەکانى بەردەوامە و بەیانى ئەمڕۆش چەند جارێک بەنداوی تەشرین و شارۆچکەی دێرحافزیان بۆردومانکردوە وتائێستا زیانەکان نەزانراوە.

ئەمڕۆ شەممە، 4-1-2025، ناوەندی ڕاگەیاندنی هێزەکانی سوریای دیموکرات هەسەدە بڵاویکردەوە، ، فڕۆکە جەنگییەکانی تورکیا بەردەوامن لە فڕین بەسەر بەنداوی تشرین و ناوچەی دێرحەفەر لە ڕۆژهەڵاتی حەلەب، دەشڵێت، "تا ئێستا پێنج هێرشی ئاسمانیان بۆ سەر بەنداوی تیشرین ئەنجامداوە و سێجاری دیكەش شاری دێرحەفەریان لە ڕۆژهەڵاتی حەلەب بۆردمان کردوە".

لە راگەیەندراوەکەدا هیچ زانیارییەک لەبارەى زیانەکانى ئەو بۆردومانانەوە رانەگەیەندراوە، وەک هەسەدە ئاماژەى پێکردووە بۆردومانەکە بەردەوامە.

دوێنێ هێزەكانی سوریای دیموكرات بڵاویانكردەوە، لە ئەنجامی شەڕ و پێكدادانی نێوان هێزەكانیان و گروپە چەكدارەكانی سەر بە توركیا  لە باشور و ڕۆژهەڵاتی مەنبج ژمارەی كوژراوانی ئەو گروپانە بۆ 72 چەكدار بەرزبوەتەوە، ئەوە جگەی لە برینداربونی دەیان چەكداری دیكە.