فڕۆكەخانەی بن گوریۆن لەلایەن حوسییەکان موشەک باران کرا

وتەبێژی هێزە چەكدارەكانی یەمەن ڕایگەیاند، ئەمڕۆ دوو هێرشییان بۆسەر ئیسرائیل ئەنجامداوە و یەکێک لە هێرشەکان بۆ سەر فڕۆكەخانەی بن گوریۆن بووە.

یەحیا ساری، وتەبێژی سەربازیی هێزە چەكدارەكانی یەمەن  ڕایگەیاند، ئەمڕۆ ێشەممە دوو هێرشیان بۆ سەر ئیسرائیل ئەنجامداوە، یەكێكیان بۆ سەر فڕۆكەخانەی بن گوریۆن بووە، بە مووشەكێكی بالیستی هایپەرسۆنیك و بە سەركەوتوویی ئەنجامدا، ئەو دیكەیان بۆ سەر وێستگەیەكی كارەبای باشووری قودس بووە.

وتیشى، ئەو دوو هێرشە هاوكات بووە لەگەڵ ئۆپەراسیۆنێك، كە كەشتیی فڕۆكە هەڵگری یو ئێس ئێس هاری ترومانی ئەمریكیمان كردە ئامانج، ئۆپەراسیۆنەكە بە ژمارەیەكی زۆر لە فڕۆكەی بێفڕۆكەوان و مووشەك ئەنجامدراوە، لەكاتێكدا هێزەكانی ئەمریكا خۆیان بۆ هێرشێكی ئاسمانی گەورە بۆ سەر وڵاتەكەمان ئامادەكرد.

میدیاكانی ئیسرائیل بڵاویان كردەوە، دوای هەڵدانی مووشەکەکە بۆسەر فڕۆكەخانەی بن گوریۆن هاتوچۆی كەشتیوانی ڕاگیراوە و فڕۆكەكانیش لە شوێنەكە دوور خراونەتەوە.

حوسییەكانیش جەخت لە بەردەوامى ئۆپەراسیۆنەکان دەکەنەوە تا ئەوکاتەى دەستدرێژییەکان بۆسەر غەززە رادەگیرێت.