بەرزبوونەوەی بەهای دۆلار کێشەی ئابوری بۆ عێراق دروستکردووە

ئەندامێکى لیژنەی دارایی ئەنجومەنی نوێنەرانی عێراق رایگەیاند، بەرزبوونەوەی بەهای دۆلار کێشەی ئابوری بۆ عێراق دروستکردووە و لە ئەگەرى گۆڕانکارى بەسەر بەک دۆلار ئەوا بۆ هەر رۆژێک سێ ملیۆن و 350 هەزار دۆلار بودجەی عێراق کەمدەبێتەوە.

جەمال کۆچەر، ئەندامی لیژنەی دارایی ئەنجومەنی نوێنەرانی عێراق رایگەیاند، بەرزبوونەوەی بەهای دۆلار کێشەی ئابوری بۆ عێراق دروستکردووە و بووەتە هۆی بارگرانی بۆ سەرشانی دەوڵەت و هاوڵاتییانیش.

وتیشى، ئەگەر بەهای یەک دۆلار گۆڕانکاری بەسەردابێت، ئەوا بۆ هەر رۆژێک سێ ملیۆن و 350 هەزار دۆلار بودجەی عێراق کەمدەبێتەوە و زیانی بەردەکەوێت.

ساڵانێکە بەهاى دۆلار لە عێراق و هەرێمی کوردستان بەرزبوونەوەی بەرچاوی بەخۆیەوە بینیوە و بەردەوام بەهاکەى لە گۆڕاندایە، بە شێوەیەک لە ئێستادا بۆ هەر 100 دۆلارێک بە 152 هەزار دینار مامەڵەى پێوەدەکرێت.