​ دۆلارى ساخته‌ دیمه‌شق ده‌ته‌نێت

ناوەندی هەواڵ

بازرگان و دانیشتوان و بازاڕه‌كانى دیمه‌شق به‌هۆى بڵاوبوونه‌وه‌ى دۆلارى ساخته‌ ڕوبه‌ڕووى ئاسته‌نگێكى نوێ ده‌بنه‌وه‌، به‌شێوه‌یه‌ك كه‌ تا ئاستێكى به‌رز له‌ دۆلارى ڕه‌سه‌ن ده‌چێت.

ته‌له‌فزیۆنى فه‌رمی سوریا بڵاویكرده‌وه‌: دۆلارى نه‌ختینه‌ به‌تایبه‌تیش 100 دۆلاریی بووه‌ته‌هۆى شڵه‌ژانى گه‌وره‌ى بازاڕ و به‌شێوه‌یه‌ك ئامێرى ئاشكراكردنى دۆلارى هه‌ڵخه‌ڵه‌تاندووه‌ و ئاشكراى ناكات.

به‌شێك له‌و كه‌سانه‌ى به‌ دۆلارى ساخته‌ هه‌ڵخه‌ڵه‌تێنراون ده‌ڵێن دۆلاره‌ ساخته‌كه‌ هاوشێوه‌ى دۆلارى ڕه‌سه‌ن و بنه‌ڕه‌تییه‌، به‌شێوه‌یه‌ك به‌ وردى هاوشێوه‌ى دۆلار دروستكراوه‌ته‌وه‌ ئه‌سته‌مه‌ جیاوازییه‌كه‌ى بزانرێت.

به‌شێك له‌ خاوه‌ن دوكانه‌كانى ئاڵوگۆڕى دراو ده‌ڵێن ئه‌و قه‌یرانه‌ى له‌ دیمه‌شق دروستبووه‌ به‌ هه‌مانشێوه‌ له‌ توركیاش دروستبووه‌ و به‌شێوه‌یه‌كى نایاسایى ده‌هێنرێته‌ بازاڕه‌وه‌ و ساغ ده‌كرێته‌وه‌.