خامنەیی و سودانی و پزیشکیان 17 کاتژمێر پێش ئێستا 155 جار خوێنراوەتەوە عێراق و ئێران لە دوودڵییەكانیان بەرامبەر سوریا هاوبەشن؛ خامنەیی چی بە سودانی وت؟ ناوەندی هەواڵ ئێران و عێراق لەسەر ئەوە كۆكن كە سوریا جێگای دوودڵی هەردوولایانە، داوا لە وڵاتان دەكەن ئارامی و ئاسایشی سوریا بپارێزن. لەمیانی سەردانەكەیدا بۆ تاران، محەمەد شیاع سودانی سەرۆكوەزیرانی عێراق چاوی بە عەلی خامنەیی ڕابەری شۆڕشی ئیسلامی ئێران كەوت، خامنەیی لە دیدارەكەدا داوای لە سودانی كردووە هەیكەل و ڕێكخستنی حەشدی شەعبی بپارێزێت، بوونی هێزەكانی ئەمەریكاشی بە نایاسایی و پێچەوانەی بەرژەوەندییەكانی گەل و حكومەتی عێراق ناو بردووە. خامنەیی بە سودانی وتووە:"ئاماژەكان هەوڵی ئەمریكییەكان دەردەخەن بۆ مانەوە و فراوان بوونیان لە عێراق، پێویستە بە جددی دژی ئەم داگیركارییە بوەستین". وەك پێگەی خامنەیی ئاماژەی پێداوە، ڕابەری شۆرشی ئیسلامی ئێران بە سەرۆكوەزیرانی عێراقی وتووە:"حەشدی شەعبی لەگرنگترین هێزەكانی عێراقە، پێویستە كارلەسەر پاراستن و زیاتر بە رێكخستنكردنی بكرێت". خامنەیی جەختیشی "لە پێكەوەیی نێوان پێكهاتە و مەزهەب و نەتەوەكانی عێراق كردەوە". ئەو قسانەی خامنەیی لەكاتێكدابووە كە سودانی باسی لە گۆڕانكارییەكانی ناوچەكە و ڕووخانی ڕژێمەكەی بەشار ئەسەد كردووە. خامنەیی زیاتر قسەی كردووە و وتوویەتی "ڕۆڵی حكومەتە بیانییەكان لەم پرسەدا بە تەواوی ڕوونە". "تا عێراق زیاتر ئاوەدان و ئارام بێت، ئەوە زیاتر لە بەرژەوەندی ئێرانە". خامنەیی وای وتووە. بەپێی هەواڵی پێگەكەی خامنەیی، سودانی كۆبوونەوەكانی لە تاران بە ئەرێنی ناوبردووە، هیواشی خواستووە "گفتوگۆ و ڕێككەوتنەكان ببێتەهۆی زیاتر بەهێزكردنی پەیوەندییەكانی نێوان دوو وڵات". سودانی ستایشی پێكهێنەرەكانی هێزی لە عێراق كردووە كە بەڕای ئەو گەل و حەشدی شەعبی و پێكەوەیی نیشتمانی و مەرجەعیەت دەگرێتەوە، جەختیشیكردووەتەوە "هەڵوێستی مەبدەئی عێراق پشتیوانی غەززە و لوبنانە دژ بە داگیركاری ئیسرائیل و بەرگریی لە ناوچەكە". سەرۆكوەزیرانی عێراق باسی لە رۆڵی وڵاتانی بیانی لە گۆڕانكارییەكانی سوریا كردووە و ڕایگەیاندووە كە هەڵوێستی عێراق هەموو كات بۆ پشتیوانی گەلی سوریایە لە پاراستنی ئاسایشی و یەكێتی خاكەكەی و پێكهێنانی حكومەتێكی گشتگیر. پێش كۆبوونەوە لەگەڵ ڕابەری شۆڕشی ئیسلامی ئێران، سەرۆكوەزیرانی عێراق لەگەڵ مەسعود پزیشكیان سەرۆك كۆماری ئێران كۆبوەوە و پێكەوە باسیان لە فراوانكردنی پەیوەندیەكانی نێوان دوو وڵات لە هەموو بوارەكاندا كردووە. پزیشكیان لە كۆنگرەیەكی رۆژنامەوانی هاوبەشدا لەگەڵ سودانی ڕایگەیاند:"عێراق وڵاتێكی گرنگ وهاوبەشێكی ستراتیژی ئێرانە، دڵخۆشین كە پەیوەندی نێوان دوو وڵات لە ئاستی باڵادایە، چوارچێوەی ئەو پەیوەندییەش ڕۆژ بەڕۆژ فراوانتر دەبێت". وتیشی:"ئەم سەردانەی سودانی تەواوكەری سەردانەكەی منە بۆ عێراق لە ئەیلولی ساڵی ڕابردوو، كە بووە وێستگەی گرنگی پەیوەندییەكانی نێوان ئێران و عێراق". بەوتەی سەرۆك كۆماری ئێران، هەردوو وڵات هاوبەشن لە ترسیان سەبارەت بە سوریا، ئەوەش لە بەرەنگاربوونەوەی تیرۆر و دەرچوونی ئیسرائیل لەخاكی سوریا و گرنگیدان بە پێكهاتە ئاینیەكان بەتایبەتیش "مەزارگە پیرۆزەكانی شیعە".

خامنەیی و سودانی و پزیشکیان

17 کاتژمێر پێش ئێستا 155 جار خوێنراوەتەوە

عێراق و ئێران لە دوودڵییەكانیان بەرامبەر سوریا هاوبەشن؛ خامنەیی چی بە سودانی وت؟

ناوەندی هەواڵ

ئێران و عێراق لەسەر ئەوە كۆكن كە سوریا جێگای دوودڵی هەردوولایانە، داوا لە وڵاتان دەكەن ئارامی و ئاسایشی سوریا بپارێزن.

لەمیانی سەردانەكەیدا بۆ تاران، محەمەد شیاع سودانی سەرۆكوەزیرانی عێراق چاوی بە عەلی خامنەیی ڕابەری شۆڕشی ئیسلامی ئێران كەوت، خامنەیی لە دیدارەكەدا داوای لە سودانی كردووە هەیكەل و ڕێكخستنی حەشدی شەعبی بپارێزێت، بوونی هێزەكانی ئەمەریكاشی بە نایاسایی و پێچەوانەی بەرژەوەندییەكانی گەل و حكومەتی عێراق ناو بردووە.

خامنەیی بە سودانی وتووە:"ئاماژەكان هەوڵی ئەمریكییەكان دەردەخەن بۆ مانەوە و فراوان بوونیان لە عێراق، پێویستە بە جددی دژی ئەم داگیركارییە بوەستین".

وەك پێگەی خامنەیی ئاماژەی پێداوە، ڕابەری شۆرشی ئیسلامی ئێران بە سەرۆكوەزیرانی عێراقی وتووە:"حەشدی شەعبی لەگرنگترین هێزەكانی عێراقە، پێویستە كارلەسەر پاراستن و زیاتر بە رێكخستنكردنی بكرێت". خامنەیی جەختیشی "لە پێكەوەیی نێوان پێكهاتە و مەزهەب و نەتەوەكانی عێراق كردەوە".

ئەو قسانەی خامنەیی لەكاتێكدابووە كە سودانی باسی لە گۆڕانكارییەكانی ناوچەكە و ڕووخانی ڕژێمەكەی بەشار ئەسەد كردووە.

خامنەیی زیاتر قسەی كردووە و وتوویەتی "ڕۆڵی حكومەتە بیانییەكان لەم پرسەدا بە تەواوی ڕوونە".
"تا عێراق زیاتر ئاوەدان و ئارام بێت، ئەوە زیاتر لە بەرژەوەندی ئێرانە". خامنەیی وای وتووە.

بەپێی هەواڵی پێگەكەی خامنەیی، سودانی كۆبوونەوەكانی لە تاران بە ئەرێنی ناوبردووە، هیواشی خواستووە "گفتوگۆ و ڕێككەوتنەكان ببێتەهۆی زیاتر بەهێزكردنی پەیوەندییەكانی نێوان دوو وڵات".

سودانی ستایشی پێكهێنەرەكانی هێزی لە عێراق كردووە كە بەڕای ئەو گەل و حەشدی شەعبی و پێكەوەیی نیشتمانی و مەرجەعیەت دەگرێتەوە، جەختیشیكردووەتەوە "هەڵوێستی مەبدەئی عێراق پشتیوانی غەززە و لوبنانە دژ بە داگیركاری ئیسرائیل و بەرگریی لە ناوچەكە".

سەرۆكوەزیرانی عێراق باسی لە رۆڵی وڵاتانی بیانی لە گۆڕانكارییەكانی سوریا كردووە و ڕایگەیاندووە كە هەڵوێستی عێراق هەموو كات بۆ پشتیوانی گەلی سوریایە لە پاراستنی ئاسایشی و یەكێتی خاكەكەی و پێكهێنانی حكومەتێكی گشتگیر.

پێش كۆبوونەوە لەگەڵ ڕابەری شۆڕشی ئیسلامی ئێران، سەرۆكوەزیرانی عێراق لەگەڵ مەسعود پزیشكیان سەرۆك كۆماری ئێران كۆبوەوە و پێكەوە باسیان لە فراوانكردنی پەیوەندیەكانی نێوان دوو وڵات لە هەموو بوارەكاندا كردووە.

پزیشكیان لە كۆنگرەیەكی رۆژنامەوانی هاوبەشدا لەگەڵ سودانی ڕایگەیاند:"عێراق وڵاتێكی گرنگ وهاوبەشێكی ستراتیژی ئێرانە، دڵخۆشین كە پەیوەندی نێوان دوو وڵات لە ئاستی باڵادایە، چوارچێوەی ئەو پەیوەندییەش ڕۆژ بەڕۆژ فراوانتر دەبێت".

وتیشی:"ئەم سەردانەی سودانی تەواوكەری سەردانەكەی منە بۆ عێراق لە ئەیلولی ساڵی ڕابردوو، كە بووە وێستگەی گرنگی پەیوەندییەكانی نێوان ئێران و عێراق".

بەوتەی سەرۆك كۆماری ئێران، هەردوو وڵات هاوبەشن لە ترسیان سەبارەت بە سوریا، ئەوەش لە بەرەنگاربوونەوەی تیرۆر و دەرچوونی ئیسرائیل لەخاكی سوریا و گرنگیدان بە پێكهاتە ئاینیەكان بەتایبەتیش "مەزارگە پیرۆزەكانی شیعە".

عێراق و ئێران لە دوودڵییەكانیان بەرامبەر سوریا هاوبەشن؛ خامنەیی چی بە سودانی وت؟	وردەكاری پێكهێنانی هاوپەیمانییەكەیان؛ سوننەكانی عێراق دەستیان بە جموجوڵ كردووە	گۆڕانكاری بەڕێوەیە؛ سودانی بۆچی چووە تاران؟
دەرکەوتنى شاسوار عبدالواحید پلانە مەترسیدارەکەى تورکیاى لە هەرێم ئاشکراکرد	104 ساڵە دامەزراوە؛ سوپای عێراق لە ڕیزبەندی پێنجەمەوە بۆ 28 ەم	داهاتی ناوخۆ كێشەكەی دروستكردووە؛ بەغداد بۆچی ئامادەنییە پارەی مانگی 12 بنێرێت؟
سودانی بۆچی دەچێتە ئێران؟	بەهۆی نەوتی هەرێمەوە؛ بودجەی عێراق ڕەوانەی پەرلەمان نەكراوە	شەڕی سەخت لەدەوروبەری بەنداوی تشرین بەڕێوەدەچێت؛ نزیكەی 90 چەكداری سەر بە توركیا كوژراون