سودانی بۆ فراکسیۆنی یەکگرتوو: پێش جەژن چاوەڕێ مووچە مەبن

سەرۆک وەزیرانى عێراق لەکۆبونەوەى لەگەڵ فراکسیۆنى یەکگرتوو رایگەیاند، مووچەی مانگی 12ی ساڵی رابردوومان ناردووە و پێش جەژن چاوەڕێى مووچەى مەبن.

ئه‌مڕۆ سێشەممە، سه‌رۆك و ئه‌ندامانی فراكسیۆنی یه‌كگرتوی ئیسلامی له‌ ئەنجومەنى نوێنەرانى عێراق له‌گه‌ڵ محه‌مه‌د شیاع سودانی سه‌رۆك وه‌زیرانی عێراق كۆبونه‌وه‌ و لە کۆنفرانسێکی رۆژنامەوانیدا ئەنجامی کۆبوونەوەکەیان ئاشکراکرد.

لە کۆنگرەکەدا د. موسەننا ئەمین پەرلەمانتارى یەکگراتوو رایگەیاند، محەمەد شیاع سودانی سەرۆك وەزیرانی عێراق پێی وتین هەر وەزارەتێكی هەرێم لیستی موچەی موچەخۆرانی بێنێ بۆ وەزارەتی دارایی عێراق، ئێمە مانگانە راستەوخۆ موچەكەیان دەخەینە سەر ئەژماری بانكی موچەخۆران.

وتیشى، محەمەد شیاع سودانی پێى ئێستا ئێوە لە بەرەجەژناندا هاتوون بۆلای من، بەڵام من ناتوانم دڵنیایی بە ئێوە بدەم كە پێش جەژن ئەتوانم هیچ بڕیارێك وەربگرم، چونكە ئەم بڕیارە بەتەنها بەدەست من نییە، وەزارەتی دارایی لە ماوەكانی پێشتریشدا هیچ بەرپرسیارێتییەكی هەڵنەگرتووە دەرباری خەرجكردنی ئەم پارانە.