شاندێكى ئیداره‌ى ڕۆژئاواى كوردستان گه‌یشته‌ لوبنان

شاندێكى ئیداره‌ى خۆسه‌رى ڕۆژئاواى كوردستان به‌ئامانجى دیدارو گفتوگۆ له‌گه‌ڵ حكومه‌تى لوبنان، گه‌یشته‌ به‌یروتى پایته‌ختى ئه‌و وڵاته‌.

سه‌رچاوه‌كانى هه‌واڵ باس له‌وه‌ده‌كه‌ن، لەچوارچێوەی سەردانێکی فەرمیداو بەئامانجی ئەنجامدانی دیدار لەگەڵ بەرپرسانى باڵاى حکومەتی لوبنان‌و تاووتوێکردنی فایلە هاوبەشەکان، وه‌فدێكى ئیدارەی خۆسەری دیموکراتی باکورو ڕۆژهەڵاتی سوریا گەیشتە بەیروتی پایتەختی لوبنان.

سه‌رچاوه‌یه‌كى ئاگادار وتوویه‌تى، "وه‌فده‌كه‌ لەم سەردانەیدا بۆ به‌یروت چەندین بابەت تاووتوێده‌كات، وەک ڕێگه‌کانی پەرەپێدانی پەیوەندییە دوقۆڵییەکان‌و هاوکاریی لەبوارەکانی مرۆیی‌و ئەمنیی، هەروەها دۆخی پەنابەرانی سوری لەلوبنان، پێویستی دۆزینەوەی میکانیزمی کاری هاوبەش بۆ دەستەبەرکردنی مافەکانیان‌و سەقامگیرییان لەناوچەکە، هەروەها دۆسبه‌ى بنەماڵەی هاوڵاتیانی لوبنانیی له‌ناو داعش كه‌ ئێستا به‌شێكى زۆرى خێزانه‌كان له‌كه‌مپى هۆلن".

له‌لایه‌كى دیكه‌شه‌وه‌ عەبدولسەلام ئەحمەد نوێنەری ئیدارەی خۆسەری باکورو ڕۆژهەڵاتی سوریا لەلوبنان وتوویه‌تى، "وه‌فده‌كه‌ ئێستا لەبەیروتەو ئەمڕۆ لەگەڵ بەرپرسانی باڵاى لوبنان كۆبونه‌وه‌ى گرنگیان ده‌بێت".