بڕیارێكى به‌په‌له‌ له‌وه‌زاره‌تى خوێندنى باڵاوه‌

وەزارەتی خوێندنی باڵا و توێژینەوەی زانستی، بڕیاری دا بە، لێخۆشبوون لە کرێی خوێندنی؛ بەکالۆریۆس، ماستەر و دکتۆرا بۆ قوتابییانی چەمچەماڵ و دەوروبەری.

شەممە، 13ـی کانوونی یەکەمی 2025، وەزارەتی خوێندنی باڵا و توێژینەوەی زانستیی هەرێمی کوردستان، لە پێناو بەشداریکردن و هاوخەمی لەگەڵ خەڵکی چەمچەماڵی و دەوروبەریدا و بۆ بە دەنگەوەهاتنی قوتابییان، بڕیاری دا بە، لێخۆشبون لە پارەی کرێی خوێندنی قوتابی دانیشتووی قەزای چەمچەماڵ و دەوروبەری کە بە پارالێل یان خوێندنی ئێواران وەرگیراون لە خوێندنی بەرایی (دبلۆم و بەکالۆریۆس) و خوێندنی باڵا (دبلۆمى باڵا، ماستەر، دکتۆرا)، لە سەرجەم زانکۆکان بۆ بڕی ماوەی کرێی خوێندنیان بۆ ساڵی خوێندنی (2025-2026).

وەزارەتەکە لە ڕاگەیەرناوێکدا جەختی لەوە کردەوە، پێویستە قوتابییان بە دیکۆمێنتى یاسایی بیسەلمێنن کە دانیشتووی قەزای چەمچەماڵن یان ئەو شوێنانەی کە زیانیان بەرکەوتووە، بۆ ئەوەى بڕیارى لێخۆشبوون لە کرێى خوێندن بیانگرێتەوە.

دەقی بڕیارەکەی وەزارەتی خوێندنی باڵا لەو لینکەدا ببینە.