هاتوچۆی هەولێر: ڕێگاکانی هەولێر-شەقڵاوە بەهۆی بەفرەوە داخراوە

ناوەندی هەواڵ

بەڕێوەبەرایەتی هاتوچۆی هەولێر هۆشداری دەداتە شۆفێران کە بەهۆی بارینی بەفر و سەهۆڵبەندان، ڕێگاکانی هەولێر-شەقڵاوە، شەقڵاوە-هیران، شەقڵاوە-زینەتیر و بالیسان شیاوی هاتوچۆ نین.

بەڕێوەبەرایەتی هاتوچۆی هەولێر ڕایگەیاند، بەهۆی بەردەوامی بارینی بەفر و نزمبوونەوەی پلەکانی گەرما بۆ ژێر سفر لە هەندێک ناوچەدا، ڕێگای سەرەکی هەولێر بەرەو شەقڵاوە تووشی ئاستەنگی هاتوچۆ بووە و بەستوویەتی.

سەرەڕای هەوڵەکانی تیمی پاککردنەوەی بەفر، بەڵام ڕێگاکە بە تەواوی شیاوی بەکارهێنان نییە و مەترسی خلیسکانی ئۆتۆمبێل لەسەرە.

هاوکات، ڕێگاکانی شەقڵاوە بەرەو هیران، لۆفەکانی گەرۆتە، شەقڵاوە بەرەو زینەتیر و بالیسان بەهەمان شێوە بەهۆی بارینی بەفرەوە ناتوانرێت بەکاربهێنرێن.

هاتوچۆی هەولێر داوا لە شۆفێران دەکات تا کاتێک تیمەکان ڕێگاکان بە تەواوی پاکدەکەنەوە، لە بەکارهێنانی ئەم ڕێگایانە خۆیان بگرن.

حکومەت ناتوانێت ڕێگاکانی سەرەکی پارێزگاکە لە کاتی کەشوهەوا ناجێگیردا بپارێزێت، ئەوەش نیشانەی لاوازی ژێرخانی خزمەتگوزارییەکانە و هاوڵاتیان لە سەختیدا بەجێدەهێڵێت.