جێگرەوەی عەلی لاریجانی دەستنیشانکرا

ناوەندی هەواڵ

ئەمڕۆ سێشەممە، 24ی ئاداری 2026، محەممەد باقر زولقەدر وەک سکرتێری نوێی ئەنجومەنی باڵای ئاسایشی نیشتمانیی ئێران دەستنیشانکرا، زولقەدر فەرماندەی خانەنشینکراوی سوپای پاسداران بووەو پێشتر پۆستی جێگری سەرۆکی دەسەڵاتی دادوەری و بریکاری وەزیری ناوخۆی وەرگرتووە.

میدیاکانی ئێران بڵاویانکردەوە، بە رەزامەندی موجتەبا خامنەیی رابەری باڵای ئێران، محەمەد باقر زولقەدر بە جێگرەوەی عەلی لاریجانی،وەک سکرتێری نوێی ئەنجومەنی باڵای ئاسایشی نیشتمانیی ئێران دەستنیشانکرا.

بەپێی ڕاگەیەندراوێکی مەهدی تەباتەبایی، یاریدەدەری پەیوەندییە گشتییەکانی سەرۆککۆماری ئێران، محەممەد باقر زولقەدر لەمڕۆ سێشەممە، 24ی ئاداری 2026، بە فەرمی وەک سکرتێری ئەنجومەنی باڵای ئاسایشی نیشتمانیی ئێران دەستنیشانکرا.

محەمەد باقر زولقەدر لە ساڵی 1954 لە شاری فەسا لەدایکبووە.، فەرماندەیەکی خانەنشینکراوی سەربازییە لە سوپای پاسدارانی ئێران. لە ئێستادا، ئەو پۆستی سکرتێری ئەنجومەنی باڵای ئاسایشی نیشتمانیی ئێران وەردەگرێت و ئەندامێکی هەمان ئەنجوومەنە.

پێشتر راوێژکاری سەرۆکی دەسەڵاتی دادوەری و ئەندام و سکرتێری ئەنجومەنی دیاریکردنی بەرژەوەندییەکانی دەسەڵاتی ئێران بووە. لە ماوەی حکومەتی مەحمود ئەحمەدی نەژاددا، وەک بریکاری وەزیری ناوخۆ بۆ کاروباری ئاسایش خزمەتی کردووە.