داپۆشینی بێبەرنامەیی و گەندەڵی؛ چۆن حکومەتی هەرێم قەیرانی سووتەمەنی و پچڕانی کارەبای خستە ئەستۆی کۆمپانیاکان و بەغدادەوە؟ هەواڵ

یاسای چوارچێوە لە پەرلەمانی تورکیا؛ پرسی کورد دەگوازرێتەوە بۆ سەر زەمینەیەکی سیاسی و یاسایی هەواڵ

پەککەوتنی حکومەت و قەیرانی مووچە و بەنزین؛ هاووڵاتیانی هەرێم بێهیوا بوون و بۆ ناوچە دابڕێندراوەکان کۆچ دەکەن هەواڵ

وێنەکانی ترەمپ لەسەر کەشتییە نەوتییەکان و ڕاگرتنی هێرشەکان؛ ئەمریکا و ئێران دەرگای گفتوگۆ و دیپلۆماسی دەکەنەوە هەواڵ

جیاوازیی گەورەی حوکمڕانی؛ لە کاتێکدا بەغدا گەندەڵکاران دەستگیر دەکات، هەرێمی کوردستان ٣٥ ساڵە لە بێدەنگیدایە هەواڵ

لە نووسینگە ئابوورییەکانەوە؛ چۆن داهاتی عێراق ئاراستەی ململانێ نێودەوڵەتییەکان دەکرێت؟ هەواڵ

فراوانبوونی بەرەی جەنگی ئەمریکا و ئێران؛ ئۆکرانیا دەچێتە ناو هاوکێشەکە و وڵاتانی کەنداویش دەبنە ئامانج هەواڵ

یەکخستنەوەی پێشمەرگە دەچێتە قۆناغێکی یەکلاکەرەوە؛ گرەو لەسەر بەردەوامی هاوکاری هاوپەیمانان دەکرێت هەواڵ

سیناریۆکانی واشنتۆن و تەلئەبیب دژی تاران؛ لە شکستی مانگی ئادارەوە تا گەڕانەوەی ئاماژەکانی ترەمپ بۆ بەکارهێنانی "کارتی کوردی" هەواڵ

چەقبەستوویی سیاسی لە هەرێمی کوردستان؛ لە نێوان دەستپێشخەرییەکان و مەترسیی دیفاکتۆبوونی حکومەتی کاربەڕێکەردا هەواڵ

11 کاتژمێر پێش ئێستا 118 جار خوێنراوەتەوە

داپۆشینی بێبەرنامەیی و گەندەڵی؛ چۆن حکومەتی هەرێم قەیرانی سووتەمەنی و پچڕانی کارەبای خستە ئەستۆی کۆمپانیاکان و بەغدادەوە؟

لە کاتێکدا هاووڵاتییانی هەرێمی کوردستان ڕۆژانە بەدەست قەیرانی قورسی نەمانی سووتەمەنی، گرانیی بێوێنە، پچڕانی بەردوامی کارەبا و نەبوونی خزمەتگوزارییە سەرەتاییەکانەوە دەناڵێنن و لە دۆخێکی سەختی ژیاندا دەژین، بەرپرسانی حکومەتی هەرێم لە ڕێگەی گوتار و کۆنگرە ڕۆژنامەوانییەکانەوە هەوڵ دەدەن تەواوی قەیرانەکان بخەنە ئەستۆی حکومەتی فیدراڵی لە بەغداد و کۆمپانیاکانی غاز و سووتەمەنی، بە بێ ئەوەی دان بە نەبوونی پلان و قۆرغکارییە ناوخۆییەکاندا بنێن.

لە کۆنگرەیەکی ڕۆژنامەوانیدا کە تێیدا سەرۆکی حکومەت هەوڵیدا پشتڕاستی بکاتەوە کە سەرەڕای دژواریی ژیان و بەرزبوونەوەی نرخەکان، حکومەت لە خزمەتی خەڵکدایە و قەیرانەکان تێدەپەڕن، بەڵام ناوەڕۆکی قسەکانی دیسانەوە پشت بە کۆمەڵێک پاساوی دەرەکی و هۆکاری لاوەکی بەست.

مەسرور بارزانی سەرۆکی حکومەتی هەرێمی کوردستان، ئاماژەی بەوەدا کە بەرزبوونەوەی نرخی بەنزین پەیوەندیی بە دۆخی ناوچەکەوە هەیە و حکومەتی فیدراڵ تێچووی نفەقاتی سیادی نادات و تەنها پەنجا هەزار بەرمیل نەوتی بۆ پێداویستیی ناوخۆ بەسەر هەرێمدا سەپاندووە. لە کاتێکدا کێشەی ڕاستەقینە لە ناوخۆدایە، لە نەبوونی هیچ پۆلێن و پلانێکی تۆکمەی حکومی، کارگێڕیی هەڵە، پەرەسەندنی گەندەڵی و قۆرغکاری لە کەرتی تایبەتی حزبی و کۆمپانیا دەستڕۆیشتووەکانەوە؛ ئەو کۆمپانیایە حزبی و نزیکانەی دەسەڵات کە بازاڕی بەنزین، غاز و سەرچاوە ئابوورییەکانیان بۆ بەرژەوەندیی تەسکی حزبی قۆرغ کردووە و هیچ بەرپرسیارێتییەکیان بەرامبەر ژیان و بژێوی خەڵک نییە.

سەبارەت بە کێشەی کارەباش، هەرچەندە حکومەت لە پێشتردا بەڵێنی کارەبای بیست و کاتژمێری دابوو، بەڵام کەمکردنەوەی بەرهەمی غاز لەلایەن کۆمپانیای دانا غازەوە لە کێڵگەی کۆرمۆر کرایە پاساوی سەرەکی بۆ قەیرانی کارەبا و سووتەمەنی، لە کاتێکدا نەبوونی ستراتیژی مەیدانی و چاودێریکردنی دامەزراوەکانی وزە هۆکاری بنەڕەتین.

لە لایەکی ترەوە، لە کاتێکدا خەڵک چاوەڕێی چارەسەری ڕیشەیی بوو بۆ دۆخی ئابووری و دواکەوتنی زیاتر لە بیست مانگی پێکهێنانی کابینەی نوێ و کاراکردنەوەی پەرلەمان، بەرپرسان بەردەوامن لەسەر پاساوهێنانەوە بەوەی گوایە 120 ملیار دینار داهاتی ناوخۆ بەسەر هەرێمدا فەرز کراوە و لایەنە سیاسییەکانیش بەرپرسیارن لە پێکنەهێنانی حکومەت، لە کاتێکدا داهاتی ناوخۆ و داهاتە نەوتییەکان خۆیان لە دەرەوەی شەفافییەت و لێپرسینەوەدا بەڕێوەدەچن وحکومەتی هەرێمیش خۆی پێشتر ئەم رێککەوتنەی لەگەڵ حکومەتی پێشووی عێراق کردووە.

ئەم دۆخە نالەبارە و بەکارهێنانی کێشەکان وەک کارتێک بۆ خۆدزینەوە لە بەرپرسیارێتی، وایکردووە کە کایەی ئابووری و ژیانی هاووڵاتییان بکەوێتە ژێر کاریگەریی قۆرغکاریی حزبییەوە، بە جۆرێک کە چیدی پاساوهێنانەوە بە دۆخی دەرەکی و هۆکارە لادەکییەکان ناتوانێت پەردە لەسەر نەبوونی حووکمڕانییەکی شەفاف، دادپەروەر و بەرپرسیار لە هەرێمدا هەڵماڵێت و چارەسەری پێویست بۆ کێشەکان دابین بکات.

لەبارەی قسەکانی مەسرور بارزانی، عەلی حەمەساڵح ئەندامی پەرلەمانی کوردستان و سەرۆکی رەوتی هەڵوێست ڕایگەیاند، کۆنگرە رۆژنامەوانیەکەی مەسرور بارزانی بۆ ئەوەبوو، کە بڕیارەکانی پێشووی بۆهەرزانکردنی نرخی بەنزین سەری نەگرت.

داپۆشینی بێبەرنامەیی و گەندەڵی؛ چۆن حکومەتی هەرێم قەیرانی سووتەمەنی و پچڕانی کارەبای خستە ئەستۆی کۆمپانیاکان و بەغدادەوە؟	یاسای چوارچێوە لە پەرلەمانی تورکیا؛ پرسی کورد دەگوازرێتەوە بۆ سەر زەمینەیەکی سیاسی و یاسایی	پەککەوتنی حکومەت و قەیرانی مووچە و بەنزین؛ هاووڵاتیانی هەرێم بێهیوا بوون و بۆ ناوچە دابڕێندراوەکان کۆچ دەکەن
وێنەکانی ترەمپ لەسەر کەشتییە نەوتییەکان و ڕاگرتنی هێرشەکان؛ ئەمریکا و ئێران دەرگای گفتوگۆ و دیپلۆماسی دەکەنەوە	جیاوازیی گەورەی حوکمڕانی؛ لە کاتێکدا بەغدا گەندەڵکاران دەستگیر دەکات، هەرێمی کوردستان ٣٥ ساڵە لە بێدەنگیدایە	لە نووسینگە ئابوورییەکانەوە؛ چۆن داهاتی عێراق ئاراستەی ململانێ نێودەوڵەتییەکان دەکرێت؟
فراوانبوونی بەرەی جەنگی ئەمریکا و ئێران؛ ئۆکرانیا دەچێتە ناو هاوکێشەکە و وڵاتانی کەنداویش دەبنە ئامانج	یەکخستنەوەی پێشمەرگە دەچێتە قۆناغێکی یەکلاکەرەوە؛ گرەو لەسەر بەردەوامی هاوکاری هاوپەیمانان دەکرێت	سیناریۆکانی واشنتۆن و تەلئەبیب دژی تاران؛ لە شکستی مانگی ئادارەوە تا گەڕانەوەی ئاماژەکانی ترەمپ بۆ بەکارهێنانی "کارتی کوردی"