بەهۆى تەقینى سیستمى غازەوە ژمارەیەک هاوڵاتى بوونە قوربانى

لە سنورى ئیدارەى گەرمیان بەهۆى تەقینى سیستمى غازەوە هاوڵاتییەک گیانى لەدەستدا و ژمارەیەکى دیکەش بریندار بوون.

عەلى جەمال وتەبێژى پۆلیسى گەرمیان رایگەیاند، ئەمڕۆ یەکشەممە 22-12-2024، لەگوندی مەحموقەجەر سەربەناحییەی قۆرەتوو شەش بریندارهێنرایە نەخۆشخانەی فریاکەوتنی شەهید هەژار لەکەلار کەبەهۆی تەقینی سیستەمی غازەوە بەشێکی جەستەیان سوتابوو.

وتیشى، یەکێک لەبریندارەکان بەناوی  (ئارش احمد حسن ) لەدایکبووی 2014 بەهۆی زۆری ڕێژەی سوتانەکەیەوە گیانی لەدەستدا و باوک و برایەکی لەگەڵ دووخوشکی برینداربوون لەئێستادا چارەسەری پێویست بۆبریندارەکان دەکرێت و تەرمەکەش ڕەوانەی پزیشکی دادی قەزای کەلار کراوە بەمەبەستی ئەنجامدانى توێکاری.

بەوتەى عەلى جەمال، پۆلیس چۆتە شوێنی ڕوداوەکەو لەسەر هۆکاری ڕوداوەکە دەستیان بەلێکۆڵینەوە کردووە.

لەماوەى رابرردووشدا چەند حاڵتێکى سیستمى تەقینى غاز لە سنورى پارێزگاى سلێمانى ڕوویدا و لە ئەنجامدا ژمارەیەک قوربانى لێکەوتەوە.