ژمارەی ئەو مامۆستاو فەرمانبەرانەی لەلایەن هێزە ئەمنییەکانەوە دەستگیرکراون ئاشکرادەکرێت

ناوەندی هەواڵ

هێزە ئەمنییەکان لە شاری سلێمانی ڕێگرییان کرد لە گردبوونەوەی مامۆستایان، بەمەش گرژی دروست بوو لە نێوان مامۆستایان و هێزە ئەمنییەکاندا و ژمارەیەک مامۆستا دەستگیر کران.

دڵشاد میرانی ئەندامی دەستەی داکۆکی لە مامۆستایانی ناڕازی بە دەزگای میدیایی' ئیرادە'ی ووت، بەهۆی رێگری هێزە ئەمنییەکان لەخۆپیشاندان و گردبوونەوەی مامۆستایان، تا ئێستا لە شاری سلێمانی 11 کەس دەستگیر کراون.

بەووتەی دڵشاد میرانی ، لە تەواوی شار و شارۆچکەکانی سنووری پارێزگای سلێمانی 17 کەس دەستگیر کراون.

وتیشی" ئەو 17 مامۆستا و فەرمانبەرەی دەستگیرکراون 11 کەسیان لەشاری سلێمانین و (سێ) کەسیان لەپارێزگای هەڵەبجەن و (سێ) کەسەکەی دیکەش لەقەزای کەلارن".

ئەندامەکەی دەستەی داکۆکی لە مامۆستایانی ناڕازی  ئەوەشی ئاشکرا کرددوە، ئەو کەسانەی دەستگیر کراون  جگە مامۆستا کەسانی دیکەشیان  تێدایە.

ئەمڕۆدووشەممە 2024/3/25، ژمارەیەک لە فەرمانبەر و مامۆستایانى ناڕازى بەنیازبوون خۆپیشاندان لە نزک پارکی مەلیک مەحمود دەستپێبکەن  و دواتریش خۆپیشاندەران بە رێپێوان بەرەو دەباشان بەڕیبکەون و سەرەکیترین داواکاریشیان رەتکردنەوەی (هەژماری من) بوو، بەڵام هێزەئەمنییەکان ڕیگریان لێکردن و رێگەیان بە خۆپیشاندەران نەدا بچنە دەباشان.

زیاتر له‌ 50 رۆژه‌ مووچه‌خۆرانی هه‌رێمی كوردستان مووچه‌یان وه‌رنه‌گرتووه‌وتا ئێستاش ڕوون نییە کەی دابەشکردنی مووچە دەستپیدەکات.