پێنج ساڵ تێپه‌ڕى‌و كه‌یسى كوڕه‌ شۆڕشگێڕه‌كه‌ى ڕانییه‌ چى به‌سه‌رهات؟

پێنج ساڵ تێپه‌ڕى به‌سه‌ر تیرۆركردنى كوڕه‌ كوردێكى شۆڕشگێڕى باشوورى كوردستان، به‌ڵام تائێستا ئه‌و كه‌یسه‌ جوڵه‌ى پێنه‌كراوه‌و دادگاش هیچى له‌باره‌وه‌ ناڵێت؟

بڵێسە عومەر گه‌نجێكى شۆڕشگێڕى خه‌ڵكى شارى ڕانیه‌یه‌ له‌باشوورى كوردستان، لەساتەوەختێکی دژواردا، چه‌كى بۆ خەمی کۆبانێ لەشان كردو بۆ بەرگرییکردن لەگەلەکەی له‌ڕۆژئاواى كوردستان، لەشارۆچکەی ڕانیەی باشووره‌وه‌ خۆی گەیانده‌ ڕۆژئاوای کوردستان‌و دژی چەتەکانی داعش بەرخۆدانی هەڵبژارد.

دواى ڕزگارکردنی کۆبانێ، بڵێسە عومەر خۆى گه‌یانده‌ ئەورووپاو لەوێش به‌رده‌وامبوو لەهاوکارییکردنی ڕۆژئاوای کوردستان‌و ڕێکخەریی دەیان چالاکیی نەتەوەیی بووه‌.

ڕۆژى14ی تشرینی دوەمی 2020، لەھۆتێل شیراتۆنی شاری ستۆکھۆڵمى پایتەختی سوید تیرۆرکرا، دۆسییەکەش لەلایەن پۆلیسی ئەو وڵاتەوە بێدەنگیی لێکرا.

پێنج ساڵ تێپه‌ڕى به‌سه‌ر ئه‌و تیرۆرکردنه‌دا، به‌ڵام نه‌ دادگاو نه‌ پۆلیسى ئه‌و وڵاته‌ ده‌سته‌وه‌ستان له‌به‌رامبه‌ریدا وه‌ستاوه‌و بێده‌نگیى هه‌ڵبژاردووه‌.