كاره‌سات ڕوویدا.. گه‌نجێك دایك‌و باوكى‌و براژنێكى دووگیانى كوشت‌و دواتر له‌لایه‌ن برایه‌كیه‌وه‌ كوژرا

ئه‌مڕۆ پارێزگاى دیوانیه‌ كاره‌ساتێكى گه‌وره‌ى خێزانى به‌خۆوه‌ بینى، له‌چركه‌ساتێكدا خێزان ده‌ستیان چووه‌ خوێنى یه‌كترو موچڕكى به‌گیانى هه‌موو خه‌ڵكى پارێزگاكه‌دا هێنا.

لەڕووداوێکی دڵتەزێندا لەدیوانییە، پێنج کەس لەیەک خێزاندا کوژران، گەنجێک دوای ئازادبوونی لەزیندان دایک‌و باوکی‌و براژنەکەی كوشت، دواتر لەلایەن برایەکیەوە كوژرا.

سەرچاوە ئەمنییەکان لەدیوانییە باس له‌وه‌ده‌كه‌ن، لەقەزای بدیر لەدیوانییە گەنجێک دوای ئازادکردنی لەزیندان دایک‌و باوک‌و براژنە دووگیانەکەی دەکوژێت‌و پاشان لەلایەن برایەکیەوە دەکوژرێت، بەمەش پێنج کەس لەخانەوادەیەکدا گیانیان لەدەستدا.

لەناوەڕاستی مانگی ڕابردووشدا هەر لەپارێزگای دیوانییە، ژنێک بەشێوەیەکی زۆر دڕندانە هەستا بەکوشتنی دایک‌و باوک‌و خوشکی هاوسەرەکەی.

پێشتریش لەمانگی تەمموزی ئەمساڵ، وەزارەتی ناوخۆی عێراق ڕایگەیاندبوو، لەنیوەی یەکەمی ئەمساڵدا ڕێژەی تاوانەکان بەشێوەیەکی بەرچاو کەمیکردووە.