ئه‌و جه‌نگه‌ى 10 ملیۆن كه‌سى كرده‌ قوربانیى تره‌مپ ڕایگرت

سەرۆكی ئەمریكا ڕاگرتنی جەنگێكی دیكەی جیهانی لەنێوان كۆنگۆو ڕواندا لەكیشوەری ئەفریقیا ڕاگەیاند، بەمەش دەبێتە هەشتەمین جەنگ كە تائێستا ڕاگیرابێت.

دۆناڵد ترەمپ سەرۆكی ئەمریكا بەڕۆژنامەنووسانی ڕاگەیاند، "توانیمان كۆتایی بەجەنگی دەیان ساڵەی نێوان كۆنگۆی دیموكراتی‌و ڕواندا بهێنین".

وتیشى، "ئەمڕۆ سەرۆكی هەردوو وڵات بۆ ماوەیەكی درێژ لەبارەی كۆتاییهان بەجەنگی نێوانیان قسەیانكردووە، بێگومان ئەمە ڕۆژێكی مێژووییە بۆ هەردوو وڵات‌و تەواوی كیشوەری ئەفریقیا".

ترەمپ ئه‌وه‌شى وت، "ڕێككەوتنی ئاشتی لەنێوان كۆنگۆو ڕواندا دەبێتە كۆتاییهێنان بەیەكێك لەدرێژترین شەڕو ململانێكان لەجیهاندا كە بەهۆیەوە زیاتر لە 10 ملیۆن كەس گیانیان لەدەستداوە".

سەرۆكی ئەمریكا خۆشحاڵی خۆی دەربڕی كە ڕۆڵێكی گەورەی گێڕاوە لەكۆتاییهێنان بەتوندوتیژیی‌و خوێنڕشتن لەكیشوەری ئەفریقیاو بەتایبەتیش لەكۆنگۆو ڕواندا.

دۆناڵد ترەمپ پێشتر ڕایگەیاندبوو، لەماوەی چەند مانگێكی كەمی بوونی بەسەرۆكی ئەمریكادا توانیویەتی حه‌وت جەنگ لەجیهاندا ڕابگرێت، یەكێك لەوانە جەنگی نێوان ئیسرائیل‌و بزووتنەوەی حەماس بووە.