نوێترین زانیارى لەبارەى مووچەى مانگى چوار

وتەبێژی جێگرى سەرۆک وەزیرانى هەرێم رایگەیاند، لیستی مووچەی مانگی نیسانی فەرمانبەر و مووچەخۆرانی هەرێم بە سیستمی پەیڕۆڵ ئامادەیە و وتەبێژى حکومەتیش دەڵێت، مووچەی ئەم مانگە لەکاتی خۆیدا دابەشدەکرێت.  

لە میانى بەشداریکردنیان لە نۆیەمین دیدارى سلێمانى سەمیر هەورامی، وتەبێژی جێگرى سەرۆک وەزیرانى هەرێم بە رۆژنامەنووسانی راگەیاند، لیستی مووچەی مانگی نیسانی فەرمانبەر و مووچەخۆرانی هەرێم بە سیستمی پەیڕۆڵ ئامادەیە و بەمەبەستى وربینى کردن بڕیارە هەفتەی داهاتوو لیستەکە بنێردرێت بۆ بەغداد .

هاوکات، پێشەوا هەورامانی، وتەبێژی حکومەتی هەرێم بۆ رۆژنامەنوسان وتى، لە دوو رۆژی داهاتوودا لیستی مووچەی مانگی نیسانی فەرمانبەر و مووچەخۆرانی هەرێم تەواودەبێت، رێکارەکانی مووچەی ئەم مانگە بەخێرایی تەواودەکەین و لەکاتی خۆیدا دابەشدەکرێت.