عێراق دەست بەدابەشكردنی موچەی مانگی پێنج دەکات لەهەرێمیش چارەنووسى موچەى مانگى چوار نادیارە

بریکاری سەرۆکی دەستەی خانەنشینی عێراق رایگەیاند، بەمەبەستی دابەشکردنی موچە ڕێکارەکانی دابەشکردنی موچەی مانگی پێنجى خانەنشینان‌و چاودێریی کۆمەڵایەتی تەواوکراون‌و ڕەوانەی بانکەکان کراوە.

ئەمڕۆ چوارشەممە 30-4-2025، حسام عەبدولستار بریکاری سەرۆکی دەستەی خانەنشینی عێراق له‌به‌یاننامه‌یه‌كدا ڕایگه‌یاند، "ڕێکارەکانی خەرجکردنی موچەی خانەنشینان بۆ مانگی ئایاری 2025 تەواو بوە داتاکان نێردراون بۆ بانکەکان بۆ تەواوکردنی ڕێکارەکانی خەرجکردنی موچه‌ی مانگی ئایاری خانه‌نشینان.

ئەوە لەکاتێکدایە، ئەمڕۆ کە کۆتا رۆژى مانگى نیسانە تا ئێستا لە هەرێمى کوردستان موچەى مانگى چوار دابەشنەکراوە و چارەنوسى بە نادیارى ماوەتەوە و بەغداش هیچ بڕە پارەیەکى بۆ مووچەى فەرمانبەرانى هەرێم نەناردووە.